Informashon tokante petishon i pago di sèn pa paña di skol (kledinggeld)


cw-sociale-logo

Informashon tokante petishon i pago di sèn pa paña di skol (kledinggeld)

Willemstad- Ministerio di Desaroyo Sosial, Trabou i Bienestar, na nòmber di Gobièrnu di
Kòrsou, ta informá tur kobradó di ònderstant i personanan ku tin un entrada bou di suèldu
mínimo, ku fecha di pago di sèn pa paña di skol ta den kinsena 15/2016 (fecha di pago dia 11
yüli 2016).
Un yamada ta bai na tur kobradó di ònderstant i personanan ku tin un entrada bou di suèldu
mínimo ku no a risibí pago pa paña di skol den 2015, pa hasi petishon mas pronto posibel na
Kasnan di Bario Punda, Otrobanda, Sta. Maria, Brievengat i Dokterstuin. Klientenan di Kas
di Bario Bándariba por entregá petishon na Kas di Bario Punda.
Personanan ku por bini na remarke pa sèn pa paña di skol;
a. Yu di mayor o tutor (voogd o mayor di kriansa) ku ta kobra ònderstant òf tin un
entrada bou di suèldu mínimo;
b. Mayor o tutor i yu mester ta inskribí den Registro Sivil di Kòrsou;
c. Yu di un estranhero ku tin un pèrmit bálido i ta inskribí den Registro Sivil di Kòrsou;
d. Yu ku ta kai bou di lei di skol obligatorio i ta bishitá un Skol di Fundeshi, Skol
spesial, SBO, HAVO, VWO.
Dokumentonan obligatorio pa por hasi petishon:
a. Sédula, reibeweis, pasport bálido di mayor o tutor òf e persona outorisá ku ta bin hasi
petishon;
b. Sédula òf pasport di yu o papel di òp o buki famia;
c. Deklarashon ku e yu ta inskribí na skol (schoolverklaring) aña 2016-2017 si e yu ta
riba 18 aña;
d. Personanan ku no ta kobradó di ònderstant mester proba ku nan entrada ta bou di
suèldu mínimo ku un deklarashon di entrada di Inspekshon di Belasting;
e. Number di kuenta koriente di Banko
Ultimo dia pa entregá petishon i hasi keho relashoná ku sèn pa paña di skol ta dia 11 di
novèmber 2016.

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s