Petishon pa reunion públiko konforme art. 64 ku karakter di URGENSIA,


Willemstad, 1 di yüni 2016

Presidente di Parlamento
Señor M.C. Franco
Wilhelminaplein # 4
Presente

Petishon pa reunion públiko konforme art. 64 ku karakter di URGENSIA,

Tópiko: Preokupashon grandi rondó di un proposishon di Minister Ruggenaath fecha 17 di Mart 2016, huntu ku un dekreto fecha 19 di mei 2016, usando términonan hurídiko kual ta indiká ku NO TA STOP MONOPOLIO DEN HAF, tumando na kuenta e desobediensia aki di parti di e Minister i teniendo na kuenta ku minister a indiká di lo para MONOPOLIO, minister mester bin splika su desishon na nòmber di Gobièrnu.

Señor Presidente,

Frakshon di Movementu Futuro Kòrsou (MFK) a tuma nota di un desishon di 25 di mei último pa loke ta trata futuro konseshonnan den HAF. Mirando ku pa hopi aña ta papiando, ku mester bin mas desaroyo den nos HAFNAN dor di desaroyá mas HAF. Nos a tuma nota ku e minister aktual di partido PAR i Koalishon a krea un struktura hurídiko pa prolongá MONOPOLIO den HAF tòg i esaki ta hasi imposibel pa tin mas desaroyo den nos HAF dor di terseronan. Nos ta eksigí pa di un forma transparente bin duna kuenta i rason i stòp ku bendementu di patrimonionan di nos Kòrsou.

Nos ta bibando den un Kòrsou awe ku 15% di desempleo, mas di 12,000+ siudadano sin trabou, anto Gobièrnu ta frenando desaroyo ku su desishon pa mantené MONOPOLIO den HAF.

Mirando ku Minister no ta respetá diferente moshon pasa den Parlamento ku amplio mayoria i ta prolongando i ta pushando pa e dekreto wòrdu firma ku urgensia, nos ta eksigí pa ku karakter di urgensia e reunion públiko aki tuma lugá lo mas pronto posibel.

Ta di mas bisa ku kualke akshon di parti Gobièrnu pa despues ku nan tuma nota di e petishon aki i tòg pusha e stuk #2016/005360 i e dekreto pa wòrdu firma lo tin konsekuensia grave pa desaroyo di Kòrsou i nos lo tene nan responsabel pa esaki.

Atentamente

Gerrit F. Schotte Sithree van Heydoorn Jacinta Constancia

Anekso: Desishon proposishon aseptá den Konseho di Minister dia 25 di Mei último
#2016/005360 huntu ku dekreto pa prolongá Monopolio.
Desishon Ruggenaath #2016-005360

Petishon reunion públiko – 1 Yüni 2016

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s