“PARTIDO MAN TA DESEA HENSLEY KOEIMAN PRONTO REKUPERASHON”


“PARTIDO MAN TA DESEA HENSLEY KOEIMAN PRONTO REKUPERASHON”

WILLEMSTAD – Den siman ku a kaba, nos lider Sr. Hensley Koeiman a frakturá su pia di tal forma, ku na e momentunan aki e ta bou di tratamentu i mester sosegá e pia.
Pa e motibu ei nos lider tin ku diskulpá pa e diferente invitashonnan ku e ta haña e dianan aki. Partido lo kubri tur e invitashonnan aki ku nos kandidatonan pa próksimo elekshon. Pasobra Man tei pa sirbi i duna tur informashon nesesario na pueblo, pa pueblo por hasi un eskoho dia 30 di sèptèmber próksimo.
Pa nos lider Hensley Koeiman e situashon aki ta hopi fèrfelu. Hensley semper ta un persona ku konstantemente ta huntu ku su hendenan i ku hopi animo Hensley a kuminsá kampaña. Hensley ta konvensí ku Man por ofrese pueblo di Kòrsou un alternativa den gobernashon kaminda pueblo su interes mester ta na promé lugá. I kaminda tin transparensha, kaminda no ta ekskluí niun gremio di nos komunidat i kaminda kontròl lo mester kuida interes di nos pueblo.
Nos di Man ta konsiente ku famia di Hensley ta kuid’é i yud’é karga e periodo aki. Nos ke yama su famia masha danki pa esaki.
I na Hensley nos ke desea forsa i hopi pasenshi.
Na e momentunan aki Hensley no por move bou di su pueblo manera e ta deseá.
Siman ku ta bin direktiva di Man lo anunsiá publikamente ki dia Hensley ta na Sede Rooseveltweg i ta invitá pueblo pa pasa serka Hensley.
Entre tanto nos di Man ta sigui ku e trabounan i ta deseá Hensley in pronto rekuperashon.
Direktiva di Man
Presidente Emil Walle

fb_img_1473388390060-jpg-a

PARTIDO MAN SEPT 2016

Advertisements