Laman brutu ta siguí forma un péliger pa siudadanonan i tambe boto chikí.

Ministerio di Tráfiko, Transporte i Planifikashon Urbano 392016

Laman brutu ta siguí forma un péliger pa siudadanonan i tambe boto chikí.

Willemstad – Ministerio di Tráfiko, Transporte i Planifikashon Urbano (VVRP) pa medio di su Servisio Meteorológiko Kòrsou ta informá tur siudadano ku na e momentu aki ainda e laman brutu, pa motibu di pasashi di Matthew, ta forma un peliger. Pa e motibu aki, Servisio Obra Públiko riba indikashon di Kuerpo Polisial Kòrsou a sera algun playa na Banda Bou i ta urgí tambe pa personanan no hasi uso di e playanan na Banda ‘riba.

Servisio Meteorológiko ta informá tambe ku no opstante e echo ku ya Orkan Matthew no ta forma un peliger pa loke ta trata bientu i tambe áwaseru, te ainda e tin efekto riba nos awa di laman. Orkan Matthew entre tantu ta un orkan di kategoria 4 i a sigui move. E bientu di orkan ku Matthew ta generá ta sòru pa laman brutu te serka nos. Esaki no ta bisto den forma di ola haltu, pero si den forma di olanan ku ta kibra violentamente riba playa. Pa e motibu aki, Serviso Meteorológiko te ainda tin un kódigo ros na vigor pa ola haltu.

P’esei ta urgí tur usadó di playa i tambe doño di boto chikí pa no bai playa i respetá e barikada ku tin poné kaminda a sera e playanan. Na momentu ku e situashon ta safe lo bolbe habri tur e playanan atrobe.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: