Pronóstiko di tempu pa Kòrsou i bisindario bálido te djaweps mainta 06:00 o.l., 6 di òktober 2016.

Pronóstiko
Pronóstiko di tempu pa Kòrsou i bisindario bálido te djaweps mainta 06:00 o.l., 6 di òktober 2016.
Kompilá: Djárason 5 di òktober 2016, 05:00 o.l. (09:00 UTC)
KODIGO ROS: UN ALERTA PA OLA HALTU DOR DI RESAKE TA NA VIGOR AINDA PA NOS KOSTA WÈST.
Tempu: Lévemente te parsialmente nublá i wer lo ta generalmente seku awe. Mayan mardugá por kai lokalmente un tiki awa. .
Temperatura máksimo lo alkansá 33ºC i temperatura mínimo, 27ºC. 
Solo ta sali 06:25 i e lo baha 18:23 o.l.
Bientu: For di un direkshon entre di ost i sùitost i moderá; forsa 3 te 4 (11 te 30 km/ora, 7 te 16 nudo). Prinsipalmente den dia de bes en kuando basta fuerte; forsa 5 (31 te 39 km/ora, 17 te 21 nudo). 
Situashon general: Awe lo no tin nubia signifikante riba nos region di manera ku wer seku lo sigui prevalesé. Un ola tropikal tabata situá awe mardugá djis ost di Trinidad i e sistema aki ta moviendo den direkshon wèst. Sigun e sistema aki aserká nos region, e posibilidat pa áwaseru lo oumentá i p’esei mayan mardugá por kai lokalmente algu di áwaseru riba Kòrsou.
Kondishon di laman: Por lo general moderá ku altura di olanan entre di 1 i 2 meter (3 pa 6 pia). E Alerta pa Ola Haltu sin embargo ta na vigor ainda i mester sigui tene kuenta ku resake fuerte na kostanan wèst. Ta antisipá ku mas lat den dia e resake lo bira ménos.
Sistemanan signifikante di wer tropikal: Orkan Matthew tabata situá awe mardugá riba Osean Atlántiko, djis nort di parti oriental di Cuba. E sistema ta sigui move pokopoko den direkshon nort alehando su mes for di nos region. Tormenta Tropikal Nicole tabata situá riba Osean Atlántiko na un distansia di mas ku 800 kilometer nort nortost di Puerto Rico i ta move den direkshon nortwèst. E sistemanan aki no ta forma menasa pa nos region.

Fenómeno spesial: Ningun.
Pèrspektiva te djabièrnè mainta: Por lo general parsialmente nublá i lokalmente lo kai algun áwaseru.
Meteorólogo: Capello.
E próksimo boletin di tempu (na hulandes) lo wòrdu publiká djárason 11:00 o.l. (15:00 UTC).