A drecha mas ku ku 40 dam, entre nan …. A limpia i drecha Dam Kachó na Rio Magdalena

A drecha mas ku 40 dam, entre nan …. A limpia i drecha Dam Kachó na Rio Magdalena

Willemstad – Minister di Salubridat, Medio Ambiente i Naturalesa señor Siegfried Victorina a bishitá Rio Magdalena pa tuma nota di Dam Kachó ku resientemente a keda limpiá i drechá. Señor Wendel Alberto di Kooperativa Agrario Banda Bou a hasi petishon pa drecha e dam i esaki a keda honrá. Ta di sumo importansha ku damnan ta den bon estado mirando e echo ku nan ta retené awa i alabes pone ku nivel di awa di supsuela ta subi lokual ta bon pa vegetashon i agrikultura. For di 2013 ministerio a hasi mantenshon i drecha mas ku 40 dam.

Señor Wendel Alberto a mustra ku Dam Kachó ta di sumo importansha pa e área di Rio Magdalena. Esaki pasobra momentu ku a dam ta seku, tur pos den e área tambe ta seku. Awor ku a limpia i drecha e dam señor Alberto a hasi un apelashon públikamente pa tene esaki limpi. Banda di benefisio pa agrikultura, damnan den bon kondishon por evitá tambe ku áreanan i kasnan ta inundá despues di yobida pisá.

Riba potrèt drpd; Parlamentario señor Jaime Córdoba, señor Wendel Alberto di Kooperativa Agrario Banda Bou, señor Norwin “Noni” Kwidama di kontratista MNO, Minister Presidènt dr. Bernard Whiteman, Minister Siegfried Victorina i kolaboradó di maneho di minister señor Stanley Martina.

Riba potrèt, momentu ku señor Wendel Alberto di Kooperativa Agrario Banda Bou ta duna splikashon for di unda e awa ku ta yena Dam Kachó ta bini.

Riba potrèt, un bista di e área kompleto di Dam Kachó ku a keda limpiá i drechá.