Pronóstiko di tempu pa Kòrsou i bisindario bálido te djadumingu mainta 06:00 o.l., 9 di òktober 2016.

Pronóstiko
Pronóstiko di tempu pa Kòrsou i bisindario bálido te djadumingu mainta 06:00 o.l., 9 di òktober 2016.
Kompilá: Djasabra 8 di òktober 2016, 05:00 o.l. (09:00 UTC)
Tempu: Parsialmente nublá, awe mainta temporalmente por bira hopi nublá i tin posibilidat pa algu di áwaseru lokal.
Temperatura máksimo lo alkansá 33ºC i temperatura mínimo, 27ºC. 
Solo ta sali 06:25 i e lo baha 18:21 o.l.
Bientu: For di un direkshon generalmente ost i moderá; forsa 3 te 4 (11 te 30 km/ora, 7 te 16 nudo). Prinsipalmente den dia òf durante áwaseru de bes en kuando basta fuerte; forsa 5 (31 te 39 km/ora, 17 te 21 nudo). 
Situashon general: Un ola tropikal ta pasando riba nos region den direkshon wèst. Ounke mayoria di wer ku ta kompaña e sistema aki lo pasa nort di nos isla, lo bai tin momentu ku esaki por kousa un òf mas áwaseru lokal. 
Kondishon di laman: Por lo general moderá ku altura di olanan entre di 1 i 1.5 meter (3 pa 5 pia).
Sistemanan signifikante di wer tropikal: Orkan Matthew tabata situá awe mainta serka di kosta ost di Georgia, Estados Unidos i ta sigui move den un direkshon generalmente nort, paralèl di  kosta.
Tormenta tropikal Nicole awe mainta tabata situá riba Osean Atlántiko sùit di Bermuda i ta move poko poko den direkshon suit. E dos sistemanan aki no ta forma menasa pa nos region. 

Fenómeno spesial: Ningun.
Pèrspektiva te djaluna mainta: Por lo general parsialmente nublá i lokalmente por kai un òf mas áwaseru. 
Meteorólogo: Statia
E próksimo boletin di tempu lo wòrdu publiká djasabra 11:00 o.l. (15:00 UTC).