Pronóstiko di tempu pa Kòrsou i bisindario bálido te djaluna mainta 06:00 o.l., 10 di òktober 2016.

Pronóstiko
Pronóstiko di tempu pa Kòrsou i bisindario bálido te djaluna mainta 06:00 o.l., 10 di òktober 2016.
Kompilá: Djadumingu 9 di òktober 2016, 05:00 o.l. (09:00 UTC)
KÓDIGO HEL: RESAKE FOR DI  DIREKSHON NORT TEMPORALMENTE POR KOUSA ALGUN OLA HALTU NA NOS KOSTA NORT DURANTE DI AWE.
Tempu: Leve te  parsialmente nublá i generalmente seku.
Temperatura máksimo lo alkansá 34ºC i temperatura mínimo, 26ºC. 
Solo ta sali 06:25 i e lo baha 18:21 o.l.
Bientu: For di un direkshon generalmente ost i suak te moderá; forsa 2 te 4 (7 te 30 km/ora, 4 te 16 nudo). Prinsipalmente den dia òf durante di posibel áwaseru, de bes en kuando basta fuerte; forsa 5 (31 te 39 km/ora, 17 te 21 nudo). 
Situashon general: Un ola tropikal riba parti sentral di Karibe ta sigui move wèst bai laga nos region. Esaki ta pone ku e chèns pa awa a baha konsiderabel i ku un tempu generalmente seku lo prevalesé. E bientu suak lo lanta un tiki awe i ta pone ku awe lo ta ménos sofokante ku ayera. 
Kondishon di laman: Por lo general trankil ku altura di olanan di ménos ku 1 meter (ménos ku 3 pia). Por spera sin embargo temporalmente un resake for di direkshon nort ku por kousa temporalmente awe algun ola haltu (te 2 meter òf 7 pia) na prinsipalmente nos kosta nort. 
Sistemanan signifikante di wer tropikal: Orkan Matthew tabata situá awe mainta banda di kosta di estado North Carolina na Merka i e tabata move den direkshon ost . Tormenta Tropikal Nicole awe mainta tabata situá riba Osean Atlántiko, basta leu sùit di Bermuda i no ta moviendo. E dos sistemanan aki no ta forma menasa pa nos region. 

Fenómeno spesial: Ningun.
Pèrspektiva te djamars mainta: Por lo general parsialmente nublá i un áwaseru lokal ta posibel
Meteorólogo: Figueroa.
E próksimo boletin di tempu lo wòrdu publiká djadumingu 11:00 o.l. (15:00 UTC).