Pronóstiko di tempu pa Kòrsou i bisindario bálido te djaluna mèrdia 12:00 o.l., 10 di òktober 2016.
Pronóstiko
Pronóstiko di tempu pa Kòrsou i bisindario bálido te djaluna mèrdia 12:00 o.l., 10 di òktober 2016.
Kompilá: Djadumingu 9 diòktober 2016, 11:00 o.l. (15:00 UTC)
Tempu: Lévemente te parsialmente nublá i ku eksepshon di un áwaseru lokal awe mèrdia trempan, nos wer lo ta seku. Mañan mardugá i mainta sin embargo lo ta por lo general parsialmente nublá i lokalmente lo kai un òf mas áwaseru.
Temperatura máksimo lo alkansá 34ºC i temperatura mínimo, 26ºC.
Solo ta sali 06:25 i e lo baha 18:20 o.l.
Bientu: For di direkshon generalmente ost i moderá; forsa 3 te 4 (11 te 30 km/ora, 7 te 16 nudo). Prinsipalmente den dia òf durante di posibel áwaseru, de bes en kuando basta fuerte; forsa 5 (31 te 39 km/ora, 17 te 21 nudo).
Situashon general: Lo tin tiki nubia signifikante awe riba nos region di manera ku wer seku lo prevalesé. Mañan sin embargo por spera temporalmente desaroyo di mas nubia i lokalmente lo kai un òf mas áwaseru riba nos isla.
Kondishon di laman: Trankil te moderá ku altura di olanan entre di 0.5 i 1.5 meter (2 te 5 pia). E resake for di direkshon nort ku tabata ser antisipá p’awe lo no yega nos kosta mas i p’esei a kanselá e fase di prekoushon pa ola haltu (Kódigo Hel).
Sistemanan signifikante di wer tropikal: Matthew ya no ta un orkan mas pero un "siklon post-tropikal. E tabata situá awe mainta no masha leu for di kosta di estado North Carolina na Merka. E tabata move den direkshon ost i lo sigui debilitá gradualmente. Tormenta Tropikal Nicole awe mainta tabata situá riba Osean Atlántiko, basta leu sùit di Bermuda i kasi no tabata moviendo. E dos sistemanan aki no ta forma menasa pa nos region.
Fenómeno spesial: Ningun.
Pèrspektiva te djamars mèrdia: Por lo general parsialmente nublá i lokalmente lo kai un òf mas áwaseru. Bos tambe ta posibel na algun kaminda.
Meteorólogo: Capello.
E próksimo boletin di tempu lo wòrdu publiká djadumingu 17:00 o.l. (21:00 UTC).