Diadumingu dia 9 di oktober Sentro pa Inovashon i Guia Edukashonal (SIGE) a organisá nan “Promé Marshe di Edukashon, Enseñansa i Rekreashon na e sentro komersia i evento na l Sambil.

Diadumingu dia 9 di oktober Sentro pa Inovashon i Guia Edukashonal (SIGE) a organisá nan “Promé Marshe di Edukashon, Enseñansa i Rekreashon na e sentro komersia i evento na l Sambil.
SIGE a enfoká riba entre otro aktividat di deporte, obra di man, pintamentu di kara i maramentu di blas. Minister di Enseñansa, Siensia, Kultura i Deporte, sra Irene Dick a habri e programa mustrando ku ta posibel pa mayornan i yunanan rekrea ku otro den forma saludabel ku weganan ku nan mes por traha i ku lo no kosta sèn pero si brinda mayornan un oportunidat úniko pa komuniká ku nan yunan i siña konosé nan mas mihó pa asina guia nan na mehorá den nan puntonan di atenshon i movitvá nan pa kontinua den e kosnan ku nan por bon.
Sr. Aubert Wiels, presidente di SIGE tambe a mustra riba nos weganan di antes ku tabata pa esanan na antes pero igualmente por ta pam esanan di awor formanan agradabel i barata di entretené i rekrea saludabelmente i pasa ku otro amiguitunan o miembronan di famia oranan plasentero ku ta keda grabá pa semper den nan kurason.
Minister Irene Dick tabata tin e atenshon kompleto di mama-, wela- i nan yu- i nietunan ora e tabata splika e wega fásil pa hunga i organisá den esfera familiar. Pa e entusiasmo djesnan tur ku a partisipá nos ta kere ku hopi mayor lo bai kas i apliká esaki den nan seno familiar.
E atardi a kontinua ku programanan di informashon i tambe presentashonnan manera kontamentu di kuenta entre otro di sra Elia Isenia. Segun ku e meta di e atardi aki tabata bira mas kla pa e bishitantenan i a medida ku nan tabata kue e smak di e hopi kosnan pa hasi e atardi aki i mirando ku e tempu tabata bula pasa forbei hopi ta esnan ku a pidi SIGE pa bolbe organisá e tipo di atardinan saludabel aki kaminda nan komo mayor por rekrea saludabelmente ku nan yu i nietunan.
SIGE lo tene nos hendenan na altura di su siguiente eventonan i ta invita nos komuniat pa subi riba nan paginan di informashon di tur loke SIGE ta organisá na benefisio di , maestro, mayor, alumno i yunan. Bishitá SIGE na i www.sige.cw.
SIGE por mira atrs riba un evento bon bishitá i eksitoso. Ku asistensha di un publiko familiar pa buska informashon di hopi organisashonnan mas banda di SIGE ku ta hasiendo kosnan positivo pa nos famianan ta mas fuerte i saludabel!
diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-1

diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-2

diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-3

diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-4

diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-5

diadumingu-dia-9-di-oktober-sentro-pa-inovashon-i-guia-edukashonal-sige-a-organisa-nan-prome-marshe-di-edukashon-6

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: