Instalashon ofisial di Miss Teen Bikini International 2016

Instalashon ofisial di Miss Teen Bikini International 2016

Ayera nochi Minister di Ekonomia i Turismo Minister Eugene Rhuggenaath a instalá ofisialmente e partisipantenan pa e di dos edishon di Miss Teen Bikini International 2016 na Rif Fort Village. Bou di kompaño musikal di Curaçao Percussion Brassband nan a marcha bai Rif Fort kaminda ku nan a wòrdu risibí pa un tremendo públiko ku tabata presente. Despues nan a wòrdu instalá dor di Minister Rhuggenaath a sigui un tremendo show di grupo folklor Futuro Memoria di Kòrsou. Kaminda nan tambe a tuma parti huntu ku e grupo. Banda musikal Rhyddm a kompaña grupo di karnaval Estreno Mas Pikete ku tambe a trese un show huntu ku e partisipantenan. Na final nan por a disfrutá di un tremendo sena serka nos sub-sponsor di e evento ku ta Burger Bar Curaçao. Un danki ta bai na tur ku di un manera òf otro a hasi e instalashon aki un éksito.