Nochi di sine grátis: 14 òktober 2016 – Sine ” Alvin and the Chipmunks: Road Chip”
Djabièrnè 14 di òktober próksimo Nochi di sine grátis na Sentro di Bario Souax
Fundashon Pro Souax i Sentro di Bario Souax ta anunsiá na habitantenan di Souax, Gato i bisindario ku relashoná ku siman di fakansi, djabièrnè awor 14 di òktober, lo tin e siguiente nochi di sine grátis. E nochi di sine lo ta di 19.00 pa 21.00 i pelíkula di e luna aki ta:
“Avin and the Chipmonks: The Road Chip”
Alvin i su otro amigunan “chipmunk” ta biba huntu ku Dave.
Dave ta sera nan konosí ku su amiga Samantha i Miles, e yu di
Samantha. Alvin, su amigunan ta haña un renchi den kas i ta pensa ku Dave
ta bai pidi Samantha pa kasa kuné.
Nan no ke esaki i huntu ku Miles nan ta traha plan pa stroba Dave di pidi
Samantha pa kasa kuné.
Bin mira kuantu kos di hari Alvin i su amigunan i Miles ta pasa aden.
Un pelíkula hopi prèt ku hinter famia por gosa di dje !
Fundashon Pro Souax i Sentro di Bario Souax ta invitá habitantenan di Souax, Zegu, Gato i
bisindario i demas interesadonan pa: forma nan grupo, bin ku un stul òf banki, bin distraí un ratu
huntu ku bo yunan i wak pelíkula grátis na Sentro di Bario Souax.
Lo tin kos di kome i bebe pa mucha i na preis di mucha.