Promé schietbaan di Kuerpo Polisial

Promé schietbaan di Kuerpo Polisial
Djaluna, 10 di òktober 2016 a pone e promé piedra pa inisio di konstrukshon di e promé kancha di tiru, schietbaan, di Kuerpo Polisial Aruba.
Sr. Adolfo Richardson, alto komisario, a duna di konosé ku KPA tabata tin varios aña trahando riba e proyekto aki, ku ta bai keda realisá. E proyekto aki ta hopi importante pa e organisashon polisial di Aruba.
E kancha di tiru aki ta keda konstruí a base di eksigensianan moderno ku kanchanan di tiru similar ta rekerí.
Komo ku un di e eksigensianan pa bo bira un agente polisial ta, sa kon dominá un arma di kandela, KPA ta hopi orguyoso di por disponé su propio kancha di tiru kaminda tur instrukshon lo keda duná.
E trayekto pa por a realisá e proyekto aki no tabata fasil pa motibu di tantisimo faseta ku mester tene kuenta ku ne pa por realisá un kancha di tiru. Kuerpo Polisial a risibí asistensia di Marina Real pa por realisá ku e kancha di tiru por kumpli ku tur e ultimo eksigensianan nesesario.
E tereno ku KPA tin na su disposishon lo keda ampliá ku un area pa trein ku arma di kandela ku diferente prosedura. Alabes e ekipo polisial ku ta hasi uso di kachó K9 i otro unidatnan spesial por hasi uso di e fasilidatnan ku e kancha ta brinda.
E edifisio huntu ku dos (2) kancha di tiru profeshonal di polis ta keda konstruí na Vader Piet, San Nicolas.