TRABOUNAN NA STADION DI PLAYA DEN FASE FINAL / WERKZAAMHEDEN AAN HET STADION VAN KRALENDIJK IN EINDFASE

TRABOUNAN NA STADION DI PLAYA DEN FASE FINAL

Kralendijk – Trabounan ku ta tumando lugá pa drecha Stadion di Playa ta den fase final. Dentro di poko Stadion di Playa lo ta operashonal.
Esaki por a konstatá djabièrnè mainta na momentu ku diputado enkargá ku deporte sra. Rolanda Hellburg-Makaai a hasi un bishita na stadion pa pone su mes na haltura di trabounan ku a i ta tumando lugá.
Resientemente gobièrnu di Boneiru mirando e importansia ku Stadion di Playa tin pa deporte den su totalidat aki na Boneiru, a pone fondonan disponibel pa laga drecha Stadion di Playa. Esaki despues di a konstatá ku Stadion di Playa tabata den un hopi mal estado ku a yega asina leu ku no tabata responsabel pa primeramente práktika deporte i tampoko pa akomodá amantenan di deporte den tribuna.
Pa hopi tempu Stadion di Playa tabata fuera di uso debí ku esaki a bai drástikamente atras pa loke ta trata kondishon. Banda di esaki no tabata tin tampoko kontròl ni maneho pa loke ta trata uso di Stadion di Playa.
Awor Boneiru tin bek Stadion di Playa kompletamente renobá ku kancha profeshonal di atletismo ku ta kumpli ku regla i normanan internashonal i tambe e kancha di futbòl nobo.
Di akuerdo ku diputado Hellburg-Makaai, Stadion di Playa tabata punto di prekupashon, miéntras ku a hasi tur posibel i krea formanan pa di tur manera pa e Stadion aki ta bek den uso, pero na un manera organisá i responsabel.
A kosta bastante plaka i esfuerso pa a logra drecha Stadion di Playa.
E stadion aki ta di nos tur, aunke ku maneho ta kai bou di Indebon, nos tur mester yuda kuid’é.

WERKZAAMHEDEN AAN HET STADION VAN KRALENDIJK IN EINDFASE

Kralendijk – De werkzaamheden die momenteel plaatsvinden om het Stadion van Kralendijk te herstellen bevinden zich in de eindfase. Binnenkort is het Stadion van Kralendijk operationeel. Dit kon vrijdagochtend geconstateerd worden op het moment dat de gedeputeerde belast met sport mw Rolanda Hellburg-Makaai een bezoek aflegde in het stadion om zich op de hoogte te stellen van de werkzaamheden die plaats hebben gevonden en nog steeds plaatsvinden. Onlangs heeft het Bonairiaanse eilandsbestuur, gezien het belang van het Stadion van Kralendijk voor de sport in zijn totaliteit op Bonaire, fondsen beschikbaar gesteld voor het herstel van genoemd stadion. Dit is gebeurd nadat is gebleken dat het Stadion van Kralendijk in zeer slechte staat verkeerde en dat het zover was gekomen dat het niet langer verantwoordelijk was om in de eerste plaats sportwedstrijden te laten plaatsvinden en ook niet om sportliefhebbers op de tribunes plaats te laten nemen. Het Stadion van Kralendijk is lange tijd buiten gebruik geweest omdat het qua algemene staat drastisch achteruit is gegaan. Daarnaast was er bovendien geen controle of beleid v.w.b. het stadiongebruik. Nu kan Bonaire weer beschikken over een kompleet gerenoveerd Stadion van Kralendijk met professionele atletiekvelden die aan internationale regels en normen voldoen en een nieuw voetbalveld. Volgens gedeputeerde Hellburg-Makaai baarde het Stadion van Kralendijk nogal wat zorgen, maar is er alles aan gedaan om mogelijkheden te creëren om het stadion weer in gebruik te krijgen, doch op een georganiseerde en verantwoordelijke manier. Het heeft behoorlijk wat geld en inspanningen gekost om het Stadion van Kralendijk te herstellen. Hoewel het stadion onder Indebonbeheer valt, is het van ons allemaal en wij moeten er met z’n allen goed voor zorgen.