Wes a disidi awe ku e kaso kontra pastor/apostel O.I.B.

​Info OM:

Wes a disidi awe ku e kaso kontra pastor/apostel O.I.B. (1964) ta kontinuá djarason 8 di februari 2017 14:00 or komo tratamentu “proforma” mientras ku e kaso lo keda tratá ku kontenido (inhoudelijk) dianan 17 i 19 di mei 2017 (2 dia di tratamentu).

Ainda mester skucha testigu i viktima di parti di Fiskal di Ministerio Publiko i di parti di defensa. Wes-komisario ta bai skucha e testigunan/viktimanan. 

Awe Fiskal a anunsiá awe ku tin 18 akusashon kontra e sospechoso. Ta trata di akusashonan di aktonan kontra moral i aktonan seksual i violashon di varios persona, mayoria di nan menor di edat.

Wes a rechasá e petishon di abogado pa laga O.I.B. bai kas pendiente pa su kaso. E ta keda será pendiente mas investigashon. Wes ta haña e akusashonan demasiado serio ku no ta hustifika su libertat temporal.

E tratamentu di e kaso “proforma” awe a start 15:00 or i a terminá 18:00 or.