Konosido ‘Kakalaka Blanku’ detené


Konosido ‘Kakalaka Blanku’ detené
Den oranan di djasabra marduga, alrededor di 01.00 agentenan polisial di KPA a logra hasi detenshon di e hòmber konosí pa hustisia ‘Kakalaka Blanku’. 

E hòmber tabata kore den un Nissan March ku mas trempan den oranan di anochi a keda raportá komo hòrtá.

Agentenan tabata tin bista riba e hòmber aki komo ku e tabata frekuentá den area di Rancho, Oranjastad kaminda e tabata hasi su mes kulpabel di aktonan di ladronisia. Ultimo tempu e tabata frekuentá den Cayenastraat di tal manera ku a logra detené. 

Den pasado el a forma parti di un grupo di adiktonan ambulante ku a risibí yudansa di por a bai kick af na Santo Domingo. Komo ku el a bolbe kai den man di hustisia, aparentemente el a rekaí den e mundu di ladronisia i adikshon. ​

This site uses Akismet to reduce spam. Learn how your comment data is processed.

%d bloggers like this: