A amplia lista Top C di 34 pa 56 residivista

WILLEMSTAD – E proyekto pa traha ku hóbennan residivista, Top C(uraçao) „Tur Wowo Riba

Bo‟ ta dunando su frutanan, pero a amplia e hóbennan ku ta riba lista di Top C di 34 pa 56 pa di e

manera aki trata di baha e kantidat di krímen ku e hóbennan aki ta responsabel p‟e.

Dos aña pasá a start ku e proyekto Top C(uraçao) „Tur Wowo Riba Bo‟. Ta tratá di un

kolaborashon entre partnernan den e kadena hudisial i sektor di kuido. E atendimiento ta dirigí

pa stòp e residivista (veelpleger) pa sigui kometé aktonan di krímen pisá. Ta hasi esaki dor di un

atendimiento intensivo di e hóben òf hóben-adulto i su alrededor direkto pa medio di kastigu,

kuido i prevenshon di e persona en kuestion i dor di invulkra e hóbennan den su famia. Dor di un

atendimiento personal ta atendé e forma influyente di kriminalidat di un forma hopi duru. Pa

logra e meta final ta traha intensivamente huntu ku organisashonnan, tantu den komo pafó di e

kadena hudisial, entre otro ku Ministerio di Hustisia, Ministerio di SOAW, Ministerio di

Enseñansa, Ministerio di Salubridat Públiko, Stichting AJJC, UO Reclassering, prisòn SDKK,

kuerpo polisial, Gezinsvoodij-instelling, Centrum Familie en Jeugd, Kas di Bario, 1000 Hóben na

Trabou, Wit Gele Kruis, Departamentu Salu Hubenil, Sentro pa Inovashon i Guia Edukashonal

(SIGE), direktivanan di skol di DOS, VPCO i RKCS i fundashonan manera YAVE, Fundashon pa

Maneho di Adikshon (FMA) i Stichting Accretio. Top C ta stimulá un koperashon mas intensivo i

kordiná di tur esnan envolví pa logra un atendimiento efektivo di e hóbennan ku nan famia.

Na komienso di e proyekto a stipulá algun kriterio di esnan ku ta responsabel pa e oumento di e

kantidat di “high-impact crimes” na Kòrsou. Na inisio a yega na 34 hóben i hóben-adulto a base di

e kriterionan aki. A inventarisá na promé instante hóbennan di 12 pa 24 aña di edat ku ultimo 5

aña a drenta den kontakto mas ku un biaha ku hustisia, di kual por lo ménos un biaha pa un

“high-impact crime”, un krímen ku impakto grandi riba komunidat manera atrako. Tur aña ta

amplia e lista a base di e kriterionan stipulá. Mientrastantu Ministerio Públiko a amplia e lista. A

agregá 22 hóben mas na e lista original.

Ku e kantidat di 56 hóben i hóben-adulto ta bai sigui ku e trabounan huntu ku e partnernan ariba

menshoná. Tur ta komprometé nan mes na logra un komunidat mas seif na Kòrsou. Den tur esaki

represhon, banda di prevenshon, tambe tin ku haña atenshon. No solamente e residivista en

kuestion pero tambe e atenshon nesesario na su rumannan den famia i su yu(nan). Ta atendé ku

problemanan struktural ku ta keda señalá manera dropout, posibilidat pa empleo i bibienda. Tur

esaki ta forma parti di e atendimiento integral ku Top C ta para p‟e. Den tur esaki kada ministerio

i fundashon tin su propio responsabilidat pa atendé ku e problema pa logra un atendimiento

efektivo di kriminalidat bou di hóben i hóben-adulto. Ta solamente na e manera aki por atendé ku

e problemanan struktural ku ta base pa kriminalidat kousá dor di hóben i hóben-adulto den nos sosiedat, di un forma efektivo i duradero.