​GOBIÈRNU DI BONEIRU TIN ATENSHON PA SALÚ DI DEPORTISTANAN

​GOBIÈRNU DI BONEIRU TIN ATENSHON PA SALÚ DI DEPORTISTANAN

Kralendijk— Gobièrnu di Boneiru tin atenshon pa salú di deportistanan lokal i ta sigui investigashonnan ku ta andando. A surgi konsternashon despues di un episodio di e programa Zembla, un programa di televishon na Hulanda, kaminda ku a bisa ku no por duna siguransa ku e rùber ariba kanchanan ku yerba artifishal no ta malu pa salú.

Minister di Hulanda Schippers di Salubridat Públiko, Bienestar i Deporte a aserká Instituto di Reino di seguridat i medio ambiente, RIVM, pa opinion tokante esaki i a pidi RIVM un investigashon adishonal. Ta spera e resultado di e investigashon aki esaki promé ku fin di aña kaminda pueblo Boneriano tambe lo haña mas klaridat.

KNVB, un organisashon deportivo na Hulanda ku mas di 1.2 miyon miembro i bon konosi den e mundo di futbol, i RIVM por lo tantu ta sigui riba e punto di bista ku e rùber aki no tin rísiko pa salubridat públiko i no tin motibu pa stòp di hasi uzo di e vèltnan ku tin e rùber aki riba dje.

Nan ta konsehá e hungadónan pa despues di trein òf wega di bala pa nan dal un baño i bisti paña limpi manera ta e kustumber di deportistanan. Ta pidi tambe pa evitá laga muchanan hunga ku e rùber aki. 

Gobièrnu di Boneiru ta siguiendo e situashon ku atenshon i  lo tuma medida i akshon di inmediato si resultá ku esaki ta nesesario.