​KOMUNIKADO DI KUERPO POLISIAL KÒRSOU Tópiko: detenshon di e sospechoso Cristefer S. Martina


KOMUNIKADO DI KUERPO POLISIAL KÒRSOU

no: 359 /2016
Fecha: 20 òktober 2016

Tópiko: detenshon di e sospechoso Cristefer S. Martina

 

Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djaweps 20 di òktober 2016, alrededor di 07.20 e Tim di Atrako konhuntamente ku e Tim di 

Aresto di Polis, a detené e sospechoso, Cristefer Simeon Martina (alias Crisje of Cris) nasé na 

Hulanda, 22 di mei 1991. Polis tabata buska e sospechoso aki pa algun simannan kaba, en 

konekshon ku homisidio, asesinato i violashon di e lei di arma di kandela (kaso dòbel 

asesinato ku a sosodé dia 3 di sèptèmber 2016 na un diskoteka den Punda). Detenshon a tuma 

lugá den un kas na Weg Groot Sint Joris, alabes a detené dos sospechoso hende muhé pa a 

skonde un fugitivo di lei, respektivamente; e doño di kas J.G.E.E. di 47 aña i L.R.J.P. di 21 aña di 

edat, ámbos nasé na Kòrsou. Durante e investigashon den e kas polis a haña i konfiská 4 

telefòn, un tablet i un saku ku algun saku chikitu di mariwana.

Despues di a presentá e sospechosonan dilanti di un fiskal ouksiliar, nan a keda será pa mas

investigashon.

E investigashon den e kaso aki ta kontinuá.

Nos kier gradisí pueblo en general ku ta yuda nos kuerpo polisial pa asina huntu nos por yuda polis den su investigashon.


This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: