​PRESELEKSHON ATLETISMO DIA 4 DI NOVEMBER 2016

​PRESELEKSHON ATLETISMO DIA 4 DI NOVEMBER 2016

Kralendijk – Ta bai kuminsá ku preselekshon di atletismo dia 4 di novèmber 2016 na Stadion di Playa. Esaki ta den kuadro di preparashonnan pa weganan eskolar interinsular 2016 – 2017. E preselekshon aki ta tuma lugá 15.00or te 18.30or na Stadion di Playa.

Gobièrnu di Boneiru pa medio di Indebon ta laga sa ku tur esnan ku ta interesá, por pasa inskribí nòmber  na kantor di Indebon for di awor te dia 28 di òktober 2016. E orario pa inskripshon ta di 07.30or pa 17.00or. Kategorianan ta:

B 2007-2006

C 2004-2005

D 2002-2003

Dia di e preselekshon 4 di novèmber 2016 ta pidi tur mayor, pa transportá e yu(nan) pa Stadion di Playa na tempu i tambe pa buska e yu(nan) bèk despues di e preelekshon pa 18.30or.

Ta spera ku e interes ta grandi i ku hopi hóben lo inskribí.

Di antemano danki pa e koperashon i kolaborashon pa adelanto di e deporte.

This site uses Akismet to reduce spam. Learn how your comment data is processed.

%d bloggers like this: