Riba 21 di òktober 2016 a tuma lugá entrega di sertifikado na fasilitadónan di Triple P ku a pasa nan entrenamentu ku i akreditashon ku éksito.
Riba 21 di òktober 2016 a tuma lugá entrega di sertifikado na fasilitadónan di Triple P ku a pasa nan entrenamentu ku i akreditashon ku éksito.
24 profeshonal di ministerio di SOAW, GMN, OWCS i Hustisia i di fundashonnan ku ta resortá bou di e ministerionan aki a risibí entrenamentu di Triple P. (F&H di SOAW, DSH di GMN, DOS di OWCS, Fundashon Yave, PSI, SIGE, VPCO, RKCS, AJJC, GVI, Yuda bo YU).
Sektor di Famia i Hubentut di ministerio di SOAW a organisá i kubri e gastunan. E profeshonalnan a akreditá komo fasilitadó pa duna kurso na mayornan ku tin yu entre 0-12 i 12-16 aña.
Entrega di sertifikado ofisial di Triple P International a keda organisá pa sektor di Famia i Hubentut di ministerio di Desaroyo Sosial, Labor i Bienestar. Promé ku entrega di sertifikado a duna un splikashon kòrtiku tokante e programa di Triple P, e kontenido di e preparashon i akreditashon, algun eksperensia di fasilitadónan i un ilustrashon di e kurso pa mayor.
Loke a bini dilanti ta ku implementashon e programa aki pa henter Kòrsou ta di sumo importansia.