Kantidat rekort di 14 partido fin di siman den Liga MCB/CSB

curacao-softball

Kantidat rekort di 14 partido fin di siman den Liga MCB/CSB

Wikent di sòfbòl fastpich a kontinua ku kantidat rekort di partido di softbol fastpich femenino i maskulino. E higlightnan ta ku na Buenavista BP den klasse A Youngstars ta soprende Nos Tei Office Supply ku skor di 15 pa 7 asina logra nan prome viktoria di kampionato 2016. Dreamteam den maskulino ku tabata invikto a perde 2 wega den wikent. Primeramente Klase Aparte ta gana di e equipo di Dream Team ku Skore di 12 pa 5 i djadumingu Suffisant Eagles ta propina Dreamteam nan di 2 derota ku skor di 7 pa 2. Pa Suffisant Eagles 7 kareda 9 hit i o eror. Picher ganador pa Suffisant Eagles a resulta Julius Veeris i miho na bate Rupert Ustasia di 4-2. Pa Dreamteam 2 kareda 6 hit i 3 eror. Picher perdedo tabata Nurison Leonora i na bate Ludson Roberto 2-2. Resumen di e skornan den femenino klasse A, Demolation ta gana Youngstars 10 pa 7. Nos Tei Oficce Supply ta gana di Pichingolo Nissan 8 pa 1. Soto CMTC ta pasa riba Demolation ku skor di 9 pa 2. Pichingolo Nissan ta gana Starosa Vanddis ku skor di 5 pa 3. Soto CMTC ta pasa riba Starosa CMTC Ku skor di 16 pa 6. Segidamente Den femenina AA, Starosa vanddis ta pasa riba Eagles Softex 10 pa 0. Pichingolo Nissan ta pasa riba Vipers ku skor di 21 pa 2. Pichingolo Nissan ta gana di Eagles Softex ku skor di 7 pa 0. Finalmente den Maskulino Suffifant Eagles ta pasa riba Demolation ku skor di 16 pa 9. Suffisant Eagles a pasa riba klasse Aparte ku skor di 15 pa 3. Haarlem Power a gana di Demolation ku skor di 7 pa 0. Haarlem Power ta pasa riba Klasse Aparte ku skor di 12 pa 3.

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: