KOMUNIKADO DI KUERPO POLISIAL KORSOU TOPIKO: TEPNAN DI PREVENSHON PA ATRAKO RIBA KAYA

KOMUNIKADO DI KUERPO POLISIAL KORSOU

no.: 364 / 2016

Fecha: 24 òktober 2016

Tópiko: Tepnan di prevenshon pa atrako riba kaya.

 

 Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Kuerpo Polisial un bia mas ke pone na atenshon di nos komunidat, algun tep balioso, pa 

asina ei siudadanonan mas tantu posibel, evitá di bira víktima di atrako riba kaya.

 Si ta posibel, no kana anochi lat bo so riba kaya. Kana mas tantu posibel den kaya.

Grupo ta brinda mihó seguridat i ta minimalisá oportunidat pa bira víktima.

 Laga un famia òf amigu sa unda bo ta bai i ki ora bo ta spera di yega. Si algu pasa bo,

e ora ei tin hende na altura ku bo no a yega na e ora sperá i nan por notifiká polis si 

tin un problema. Por indiká na bo famia e ruta tambe ku lo bo usa.

 Keda den áreanan ku tin sufisiente lus mas tantu posibel. Evitá di usa lugánan 

bandoná, “kamindanan di kabritu” òf áreanan ku no tin hopi trafikashon / moveshon.

 Kana riba asera. Paga tinu kaminda tin palu i mata òf kasnan bandoná ku 

sospechosonan por skonde. 

 Si bo mester kana den kaya (riba asera) sòru pa bo ta kara pa e tráfiko. Malechornan 

por sigui, forsa i ataka un persona ku ta lomba pa tráfiko mas fásil ku si bo ta kara pa 

tráfiko.

 Kana ku konfiansa, direkto i ku pasonan firme. No para papia ku hende straño 

espesialmente den oranan di anochi. 

 Bisti sapatu i paña ku ta duna bo libertat di moveshon. Trata di no tin kantidat di saku 

i/òf pakete den bo mannan. Esakinan ta difikultá bo kanamentu i ta bira atraktivo pa e 

atrakadó.

 Sea semper alerta! Na momentu ku bo ta kana, wak rònt di bo. Si e atrakadó nota ku 

bo ta alerta, bo no ta bira un opheto interesante mas pe.

 No tuma i duna left na hende ku bo no konosé òf no konosé bon. 

 Raportá kualke akto sospechoso mesora na 917 is ta hopi urgente na 911 òf na bo 

polis di bario.

 Evitá di kana ku kantidat grandi di sèn kèsh òf eksponé prendanan kostoso den 

públiko.

 Telefòn selular, tablet i otro tipo di aparatonan asina ta masha gusta pa malechornan. 

Sòru pa si bo mester kana ku nan, pa nan no ta visibel.