Studiantenan nobo di SBO1plus, mester ta komprometé na usa nan abilidatnan pa desaroyo di nan mes, nan famia i asina kontribui na un mihó Kòrsou mañan

Wladimir Kleinmoedig

Sr. Wladimir Kleinmoedig funkshonario di Servisio di Skolnan Públiko (Dienst Openbare Scholen,D.O.S.) a yama tur mayor i studiante bon bini na e mainta di informashon i inskripshon pa e trayekto SBO1 plus ,na Nilda Pinto. Esaki ta un dia hopi importante , e ta e inisiio di un trayekto pa nos hóbennan bira profeshonalnan.
Nos hóbennan ta purba diferente manera komo alumno pa lora esaki pero ta bon pa bo realisá ku awe bo ta kuminsá komo studiante den e trayekto nobo ku un reto nobo . Komo tal bo ta bai wòrdu prepará den un direkshon spesifiko, pa logra bo metanan di formashon.

Naturalemente nos ta ban traha riba desaroyo persona i desaroyo di algun punto básiko pa boso por studia mas fásil Pues boso partisipashon i boso sostén foral esun di mayoranan ta sumamente importante. Porfin nos ta baikuminsá , Mayor i Studiantenan tur ta kontentu ku nos ta bai start. Esei ta e spiritu, si esei ta e spiritu pa logra . ”Nos k’e sigui studia “ .

Studiante den bo man bo tin un abilidat pa kontribui pa Kòrsou . Bo tin un abilidat sumamente importante pa kontribui na bo mes, na bo kas, na bo famia pero na Kòrsou tambe en general. No lag’ e bai pèrdí .

Usa e oportunidat aki pa desaroy´é di moda ku nos ta konrtibui na un miho Korsou mañan . Awe ta inisio di esei. Pues tur lokual bo haña awe for di informashon , formashon otro tarea mir’é komo un preparashon, formashon pa bo bira tur lokual ku bo por bira. Konsidera tur importante no menospresia nada: niun instrukshon, niun guia ku bo haña . E lo ta direfente ku bo trayekto ku bo tabtin te ku awor p’esei bras’é, ten’e duru na dje di moda ku bo por logra. Bo tin tur kos den bo man pa bo logro.

Mi ta kontentu di mira hopi mayor. Mayor ta tin un rol hopi importante den desaroyo di nos yunan.
Mi ke enkurashá boso mayoranan , pa no awe so sino kada dia di nobo enkurashá bn yu, animá bo yu p’ e bin skol , p’e studia i p’e hasi tur loke e por hasi . Tur loke e tin di hasi i bira loke e TIN di bira.

Un danki di kurason na tur instansha ku a kontribui na e dia di informashon aki kuminsando ku Minsiter Irene Dick, Ta hopi minister Dick a lucha pa nos por a logra ku e skol aki a bira realidat p’esei un danki di kurason pasombra e ta algu grandi foral ora nos mira nae resultado di nos studiantenan di aña pasá kon nan a desaroyá i progresá. Danki sea sigur ku nos lo sigui karga loke abo komo minisiter a insia aki, ku hopi amor . Un danki na leerplicht sra Dambruk ku un dedikashon asina

grandi pa bai buska nos studiantenan ora nan ta falta sin motibu ku skol, i tambe un danki na e tim di Sra. Olaria direktora di SIGE ku ta asistí tur nos studiantenan ku masha amor i dedikashon sin pasa por alto e tim di maestro di skol bou di guia di e kabes di Nilda Pinto Sra Maria. Un tim di fokùs oa yuda kada un di boso logra.

Studiantenan “embrace” e oportunidat aki. Tuma e oportunidat aki na serio di moda ku aki un aña nos por tende boso historianan di éksito. Mi i tin sigur ku lo ta asina, ku kontribushon di kada un di nos NOS lo LOGRA.

Huntu nos lo hasi esaki un aña di studio eksitoso. Mi ta konvensi ku nos tin tur loke por hasi e aña aki unu eksitoso. Abo studiante ku bo kurason kla pa sigui studia i aya banda un tim di sosten pashoná.

SI NOS ta kla pa ranka sali. Hasi bo esfuero i bira e loke bo por bira pa bo mes mañan, Mi ta desra boso Sabdiria, forsa i hopi ánimo. Ban pa nos reto NOBO!