Eksitoso reunion ku protagonista: Prevenshon di bario mester subi agènda (polítiko)Geslaagde netwerkbijeenkomst: Wijkpreventie moet op de (politieke) agenda

Eksitoso reunion ku protagonista: Prevenshon di bario mester subi agènda (polítiko)

Geslaagde netwerkbijeenkomst: Wijkpreventie moet op de (politieke) agenda
WILLEMSTAD – E proyekto piloto “Prevení i Protehá, ta bo asuntu tambe” den bario di Nort Santa Rosa a yega su final. Durante simannan tras di lomba a inventarisá e partinan di e proyekto ku ta rekerí mas atenshon. A sali afó ku elementonan preventivo tabata hopi eksitoso i a duna resultado mesora manera mas iluminashon den kaya, polis visibel den bario i ménos sushi den kaya. Habitantenan a sinti nan mes mas seif.
For di e inventariasashon a sali na kla ku por saka mas benefisio ora kontinuá ku tipo di proyektonan asina. Mester presentá den un bario tambe solushonnan struktural. Ta resultá ku mester traha konhuntamente ku partidonan ku ya kaba ta aktivo den un bario. Por ehèmpel polis, Fundashon Kas Popular (FKP), Wit-Gele Kruis, GGD, Ministerio di Asuntunan Sosial i e habitantenan mes. Un koperashon asina por kondusí na mas atendementu integral den un bario ku ta produsí no solamente solushon insidental, pero tambe struktural.
Den kuadro di esaki a tuma lugá e siman aki un enkuentro ku protagonistanan ku entre otro representantenan di Ministerio di Salubridat (GMN), Ministerio di Asuntunan Sosial, Labor i Bienestar (SOAW), fundashon Ambulante Justitiële Jeugdzorg Curaçao (AJJC), Fundashon Kas Popular, Wit-Gele Kruis i otronan. Nan a ser invitá pa Ministerio Públiko (OM) pa papia riba e tema di prevenshon den bario. E pregunta a ser lansa ta kon nan ta mira kon por atendé prevenshon den bario. Tur esnan invitá a duna di konosé ku nan ke partisipá, dado kaso un inisiativa asina ser lansa. Ministerio Públiko ta dispuesto, pa den kuadro di e atendementu integral, pa duna un man. Esaki den kuadro di halsa siguridat.
Tur esnan presentá tabata sinembargo di akuerdo ku e tema mester subi agènda (polítiko) pa e haña e atenshon nesesario. Tambe tur esnan presente tabata di akuerdo ku un petishon pa drenta den bario mester bin di parti di habitantenan mes. E habitantenan mes mester krea e asina yama ‘ownership’, bira doño di e proyekto. Den esaki nan por haña apoyo di e organisashonnan profeshonal. Kada bario por tin otro nesesidat. P’esei mester wak kiko e nesesidat ta pa kada bario pa inventarisá ta kua instansia tin ku duna un man.
Geslaagde netwerkbijeenkomst: Wijkpreventie moet op de (politieke) agenda
WILLEMSTAD – Het pilotproject “Preveni i Proteha, ta bo asuntu tambe” in de wijk Noord Santa Rosa is afgerond. De afgelopen weken is geïnventariseerd welke onderdelen van het project succesvol waren en welke onderdelen nog meer aandacht nodig hebben. Hierbij bleken elementen als preventie met betere verlichting in de straat, zichtbaar politie in de straat en minder straatvuil directe resultaat op te leveren. Buurtbewoners voelden zich veiliger.
Uit de inventarisatie blijkt echter dat nog meer winst valt te behalen bij dergelijke projecten. In een wijk moeten ook structurele oplossingen worden aangedragen.  Zo blijkt dat er meer moet worden samengewerkt met partijen die actief zijn in een wijk. Bijvoorbeeld de politie, woningbouwstichting FKP, Wit-Gele Kruis, GGD, het Ministerie van Sociale Zaken en de buurtbewoners zelf. Deze samenwerking zou kunnen leiden tot een meer integrale aanpak zodat de problemen niet incidenteel maar structureel kunnen worden aangepakt.
In dit kader heeft deze week een netwerkbijeenkomst plaatsgevonden waarbij instanties als het Ministerie van Volksgezondheid, het Ministerie van Sociale Ontwikkeling, Arbeid en Welzijn (SOAW), stichting Ambulante Justitiële Jeugdzorg Curaçao (AJJC), Fundashon Kas Popular (FKP), Wit-Gele Kruis en anderen door het Openbaar Ministerie (OM) zijn uitgenodigd om over het onderwerp te praten. Hen is gevraagd hoe zij aankijken tegen het thema wijkpreventie. Alle organisaties hebben aangegeven het thema belangrijk te vinden en graag te willen meewerken als hier initiatief op wordt genomen. Deze integrale samenwerking moet een nieuwe samenwerkingsverband worden, Het OM is zeker bereid hierin, in het kader van veiligheid, ook een rol te willen vervullen.
Uit het netwerkbijeenkomst is wel duidelijk naar voren gekomen dat het onderwerp hoog op de (politieke) agenda moet worden gezet. Ook was iedereen het over eens dat buurtbewoners zelf met een verzoek moeten komen om de wijk aan te pakken. De buurtbewoners moeten ‘ownership’ ontwikkelen waarbij professionele organisaties hen in het project kunnen ondersteunen. Iedere wijk is anders en heeft andere behoeftes. Voor iedere wijk is dus een andere aanpak vereist. Per wijk moet daarom worden  bekeken welke partij betrokken wordt.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: