KOMUNIKADO DI POLIS ARUBA

AKTIVIDAT SOSPECHOSO

Riba djarason 2 di november, sentral na warda na Noord a dirigí un patruya na un kas na L.G.Smith Boulevard (den area di Malmok) pa un sospechoso ku tabata den e kas en kuestion.

Yegando na e sitio a kontrolá e funshonarionan rondó di e kas i no tabatin niun iregularidat.

E habitante di e kas di nòmber *M* a deklará ku é i su sra. a skucha un moveshon na e porta na banda robés di e kas.

Tambe el a deklará ku e sistema di alarma no tabata funshoná, pero ku e siguiente dia lo e laga repar’é.

No tabatin ningún detaye mas.

S.C.P. a wòrdu poné na altura di e situashon.
================
PÈRSONA ÍLEGAL.

Durante patruyahe (patruya di Orajestad), dia 2 di november, riba L.G.Smith Boulevard, na altura di ” Dura Home”, a mira sea ta un kurpa òf un kurpa sin bida, bou di un kònteiner.

A nota 2 palèt riba kuá tabatin un kama i riba e kama un persona di kuá su kara tabata tapá.

A papia ku e hòmber i despues a bin sali na klá ku su nòmber ta Jesus *Eduardo Hernandez Montil*.

Ora ku a puntra *Montil* kiko e tabata hasiendo eynan, el a konta ku e tabata kansá i ku ta p’esey el a bai drumi na e sitio.

*Montil* no por a kòrda su adrès i no tabatin ningún dokumentu huntu kun’é.

Seguidamente el a konta polis ku den yüni di e aña aki, el a bini for di Venezuela i ku e no tin ningún papel pa pèrmanesé riba Aruba.

Banda di 05:00 a hiba *Montil* warda di polis na Oranjestad pa kontròl, kaminda despues  a transferi’é pa pèrsonal di Warda Costa.

CVD a wòrdu poné na altura di e situashon.
=================

BESTIA PELIGROSO
S.C.P. a dirigí patruya na *Montaña22* pa un kachó peligroso ku tabata mordiendo kabritu.

Yegando na e sitio a papia ku e hòmber, kuá ta suá di e doño di e kachó.

El a duna di konosé ku mas bien ta dor ku trabounan tabata tuma lugá riba e tereno di *Montaña14*. I ku ta e pèrsonal ku tabata ehersé trabou a laga e kachó bai riba kaya, di manera ku esaki a bai *Montaña22* i eynan a morde kabritu.

A papia ku e doño di e kabritunan, e hòmber *S* ku a deklará ku e kachó agresivo ey lo a morde diferente kabritu.

A bisa e hòmber *M* ku su suá lo tin ku kubri e gastu di e kabritunan ku a wòrdu mordé.

Si ambos partido no por yega na un akuerdo, e doño di e kachó lo haña un prosès verbal.

S.C.P. a wòrdu poné na altura di e situashon.
=================

Mèlding a drenta na warda di polis pa un kaso di molèster di un kachó, riba un tereno na Seroe Bientu.

Na e sitio a papia ku e hómber di nómber *JC*  a deklará ku e kachó di su bisiña lo a ataká su rottweiler.

E rottweiler aki lo ta mará na un kadena patras riba e tereno di *JC*.

E ta sigui bisa ku e kachó di e bisiña ta sali for di tereno solamente ora ku habri e porta di kurá.

*JC* ta sigui bisa ku e kachó di e bisiña lo a morde 2 chihuahua di dje mata.

*JC* no a yama polis e dia en kuestión pa no trese problema entre bisiña.

E biaha aki e kachó a morde i laga un buraku den e pata di e rottweiler.

*JC* a kòmbersá ku e bisiña i yega na un akuerdo, ku esaki lo kubri e gastunan di veterinario.

Pero tóg e denunsiante tabata ke pa polis papia estríktamente ku e bisiña.

Polis a bai papia ku e hòmber di nòmber *R* na e adrès Seroe Bientu 9-P E hòmber a aseptá ku enbèrdat el a hasi robès. I ku el a lubidá di mara e kachó, promé ku e habri e porta di kurá *R* a duna su palabra ku esaki lo no sosodé mas i ku e lo kubri tur e gastunan di veterinario.

Hefe di warda a wòrdu poné na altura di e situashon.
=================

C.V.D. a dirigí patruya na un kas na *Juana Mortostraat* pa un kaso di ladronisia.

Deskonosí(nan) lo a bai ku 2 silénder di gas.

A tuma e deklarashon i S.C.P a wòrdu poné na altura di e situashon.
================

Polis Marítimo a mèldu ku via radar a señalá un boto ku probablemente lo a hasi un aterisahe ílegal den awanan públiko na altura di “Santana di Cachó”.

N.a.h. a dirigí 2 unidat di CVD, ku tabata na warda, na San Nicolas, na e sitio en kuestión.

Yegando na e sitio, e unidatnan, enbèrdat a mira un boto ílegal ku un kantidat di hende.

I a la bes a mira un boto di Warda Costa ku tabata na e momentu ey sosteniendo pèrsonanan  i pasanan ofer pa tera.

E boto ilegal ku tabata karga e nòmber ” AMUAY MAR AMMT” a wòrdu hibá “dok” na e pir di Marina Kazerne na Savaneta.

Den e boto tabatin e kapitán, 1 matrós i 18 otro pèrsonanan. En total tabata 20 pèrsona.

E kapitán J.L. Bernales Ruiz i e matrós di nòmber Jimenez Mendez a wòrdu respektivamente detené dor di e ofisial di Warda Costa pa trafikashon di hende. E sobrá otro 18 pèrsonanan tambe a wòrdu detené na e sitio. E kapitán i e matrós a wòrdu transferí  respektivamente  pa banda di 01:50 i 01:55 pa H.O.v.J, kaminda nan lo pasa nochi i wordu interogá.

8 di e ílegalnan a wòrdu detené na warda di polis na San Nicolas i e otro 10 ílegalnan a wòrdu detené na e edifisio di Warda Costa na Dakota.

Outoridat konserní di e.e.a  a wòrdu poné na altura di e situashon.