Museo Kas di Pal’i Maishi den kolaborashon ku Tico Vos Multi Media Productions ta presentá e dokumentario IDENTIDAT den Siman di Kultura 2016

November 3, 2016November 3, 2016 REDAKSHON

Willemstad, 2 november 2016
Jeanne Henriquez di Museo Kas di Pal’Maishi ta splika:”Nos k’e enfoká den un ratu di ora riba literura di nos grandinan di nos sosiedat, manera entre otro Mr. N. Debrot, Amador Nita , Guillermo Rosario i Joceline Clemencia. Esaki ta na enkargo di tres hende muhé enkantador ku ta nan ta Sra. Agnes Dovale-Wiel, Els Rosario i Noris Doran i e produkshon ta den man di Tico Vos.
Jean ta sigui splika:” Den e presentashonnan aki boso ta haña partinan di artikulonan ku e grandinan a skirbi i nos ta spera ku esaki e ora ei ta lanta un diskushon kontinuo pa e kambio ku nos ke logra dne nos sosiedat.

Agnes Dovale – Wiel ta sita for dje material di † Joceline Clemencia titulá :”Ta ami mes a bai buska frumun pa mi mama. I ta para ketu na tres pregunta klave den e análisis aki ku ta trata na haña un kontesta pa e hopi preguntanan ku tin rondó di ròl di nos muhenan den nos historia i e realidat ku konsientemente nan no ta ser menshoná i akreditá pa nan partisipashon aktivo den nos komunidat.

Agnes sitando Joceline “Unda nos muhenan ta aparesé den nos buki di historia i ta puntra si no ta bira tempu pa sakanan for di anonimato i informá di nan berdadero papél pa komunidat hibá den balansa di nan mes forsanan interno

Abo ta na altura dje rol ku muhenan a hunga den nos historia? :
1. Kiko abo sa di Sablica, ken e ta ki tempu ela biba i kon ela partisipá den e rebelion di katibu riba nosmisla i kiko a pasa ku n’e?
2. Diana, katibu di Perret Gentil ku a trata na choka mata e doño di katibu ei ku ta tin’e preso, kiko abo sa dje historia aki, Abo sa ku nan a kap su dos mannan na bida pa despues horké .

Dikon a ninga di informá nos di e ròlnan aki di nos muhenan balente i ken no ta k’e pa nan informashon keda skirbí pa asina e bira informashon bon konosí serka nos tur ku ta biba riba e baranka aki. Ki rol muhenan hunga i dikon no tin nada skiribi di dje kasi ku e intenshon di skonde esaki pa nos no sa di e forsa aki!

3. Ki ròl muhenan a hunga den e wèlga guia pa Felix Chakutu den Haf
4, dikon no ta menshoná e partisipashon aktivo di muhenan den e lantamentu di 30 di mei i kon nan a yuda ?
5. dikon no a nombra e mihó kalifiká pa okupá e funkshon di direktor di Peter Stuyvesant College un tempu pasá?. Ta pasombra eksplísitamente tabata k’e un kandidato hòmber i komo ku e kalifikashon dje dama tabata mas haltu ku e otro dos kandidatonan maskulino , a skohe pa alargá e kontrakt eksistente ku e direktor bieu alargando su estadia pa algun tempu mas riba nos isla?
6. Dikon t’asina poko hende muhe e hasi uso di nan derecho demokrátiko pa ta eligibel den nos proseso elektoral i ku ki resultado i dikon? I di kon nos ta opta pa skohe kandidatonan predominantemente maskulino?

Agnes ta finalisá sitando tres pregunt klave ku Joceline a enfatisá i pidi nos pa hasi. Ora nos ta lesa material relashoná ku partisipashon di nos hende muhenan hasi nos mes e siguiente preguntanan : ‘ta ken nan ta , ken ta papia , ken ta aktua? I asina ei haña un bista menos trublá di nan ròl den nos komunidat.

Noris Doran ta trata e inougurashon inougural di su spich 25, 26 27 aprel 1969 di Mr. Nicolas Debrot. Noris ta sita:” Pensa papia i diskuti riba e tema di identidat ke men investigá elementonan fundamental di nos propio bida i di nos propio komunidat. Pregunta :” Di ki manera identidat Antiano por ekspresá su mes. I aki sr. Debrot ta bai eksplorando e tema aki , ku Noris Doran na un manera elokuente ta guia nos adén. .

Els Rosario , ta hiba nos n’e obra di su tata Guillermo E. Rosario den su buki E rosa di mas bunita. Den e buki aki den forma impaktante , Guillermo Rosario ta hiba nos bèk na e forma inhumano kon hende a dominá otro i kon den esaki hende ta pèrde nan libertat i bira menos ku un mobilario. Menos ku bestia manera ta karga brutu nos tabata. Ku e diferensia ku tabata lora e e mueblesnan den papél protektor pa nan nos ser daña i e katibunan?…….. Guillermo ta animá nos mester pa sigui padilanti, Nos mester sigui padilanti kaminda e tesoro di mas grandi ta e ROSA di nos Libertat.

Noris Doran ta finalisá e produkshon aki, sitando for dje buki di Amador Nita titulá : ” Kambionan Sosial ku un yu di tera ta soña di dje. dramátiko e kontenido di e soño aki di Amador Nita ya ku kasi kasi bo por sinti ku nos OLOSHI di kambio a para i ku tur kos te ahinda ta meskos i ku e soño aki di Amador Nita ahinda mester bira realidat. Nos soño i anhelo pa e kambionan SOSIAL ku ta hasi nos biba na pas i felisidat riba e pida baranka bunita aki ku yama Kòrsou, ta warda awe mas ku nunka na realisashon.

A manda e material aki pa tur nos plantanan di televishon riba nos sila i ta di spera ku nan lo haña e espasio adekuea pa kompartí esaki ku nan oudiensia.

_vos6820