KÓDIGO ORAÑO: POSIBILIDAT PA MAL TEMPU. Pronóstiko di tempu pa Kòrsou i bisindario bálido te djasabra mainta 06:00 o.l., 5 di novèmber 2016

Pronóstiko
Pronóstiko di tempu pa Kòrsou i bisindario bálido te djasabra mainta 06:00 o.l., 5 di novèmber 2016.
Kompilá: Djabièrnè 4 di novèmber 2016, 05:00 o.l. (09:00UTC).

KÓDIGO ORAÑO: POSIBILIDAT PA MAL TEMPU.

Tempu: Parsialmente nublá, temporalmente hopi nubla ku algun áwaseru, ku posibilidat pa bos zona na sierto momentu. E áwaseru por ta fuerte na algun kaminda. 
Temperatura máksimo lo alkansá 32°C. i temperatura mínimo 25̊C. 
Solo ta sali 06:29 i ta baha 18:09. o.l.
Bientu: Por lo general for di un direkshon entre di ost i sùit; suak te moderá; forsa 2 te 4 (7 te 30 km/ora, 4 te 16 nudo). Espesialmente den áwaseru, de bes en kuando basta fuerte den ráfaga; forsa 5 (31 te 39 km/ora, 17 te 21 nudo).
Situashon general: Un disturbio riba parti ost i sentral di Área di Karibe lo kousa temporalmente formashon di bastante nubia riba nos region. Lokalmente lo kai algun áwaseru i algun di nan por ta fuerte. Esei por kousa un tiki molèster na e lugánan di kustumber i p’esei tin un Vigilansha pa Mal Tempu na vigor .

Kondishon di laman: Trankil te moderá ku altura di olanan di 0.5 te 1.5 meter (2 te 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djadumingu mainta: Por lo general parsialmente nublá i lokalmente lo kai algun áwaseru.

Meteorólogo: Capello.

E próksimo boletin di tempu lo wòrdu publiká (na hulandes) djabièrnè 11:00 o.l. (15:00 UTC).

curcappi_150_eng4112016

fcarib_eng4112016

This site uses Akismet to reduce spam. Learn how your comment data is processed.

error: Content is protected !!
%d bloggers like this: