​Charla grátis:”KANSER DI PECHU” Djamars 8 di NOVEMBER 2016 na Sentro di Bario Souax 

​

Charla grátis:”KANSER DI PECHU” Djamars 8 di NOVEMBER 2016 na Sentro di Bario Souax     
Fundashon Pro Souax, Sentro di Bario Souax i Sentro Médiko Souax pa medio di esaki ta anunsiá na habitante di bario di Souax i bisindario i tur otro interesado, kontinuashon di e siklo di charlanan riba salú i kuido di salú. E próksimo charla lo ta djamars awor 8 di novèmber i lo trata e tópiko: “Kanser di pechu”. 

Un i tur ta keda invitá pa bin tende Dr. Oliva splika tokante e malesa di “Kanser di pechu” i kua ta e sintomanan di e malesa, posibel kousa i e diferente tratamentu ku ta apliká na momentu ku konstatá kanser di pechu. Tambe lo e enfoká riba: importansia di kontrol regular, detekshon tempran i prevenshon di e malesa.

Un i tur ta bonbiní pa bin skucha e splikashonnan di Dr. Oliva.  E charla ta tuma lugá na Sentro di Bario Souax i ta kuminsá shet’or en punto i lo dura te ku mitar di nuebe di anochi. Entrada ta grátis.  Durante e charla lo tin amplio oportunidat pa hasi pregunta.     
                         Charla riba salú i kon kuida bo salú

                         

Tópiko   :”KANSER DI PECHU                                                                                                                                                              

                         

 Oradó   : Dr. Octavio Oliva

                          

Dia        : Djamars 8 di NOVEMBER 2016

                        

 Ora        : Shet’or pa mitar di nuebe di anochi  (19.00 – 20.30)                               

                       

 Lugá      : Sentro di bario Souax

                       

 Entrada  : GRATIS