KÓDIGO HEL: POSIBILIDAT PA MAL TEMPU. ​Pronóstiko di tempu pa Kòrsou i bisindario bálido te djadumingu mainta 06:00 o.l., 6 di novèmber 2016.

​Pronóstiko di tempu pa Kòrsou i bisindario bálido te djadumingu mainta 06:00 o.l., 6 di novèmber 2016.

Kompilá: Djasabra 5 di novèmber 2016, 05:00 o.l. (09:00UTC).
KÓDIGO HEL: POSIBILIDAT PA MAL TEMPU.
Tempu: Parsialmente nublá, temporalmente hopi nubla ku algun áwaseru, ku posibilidat pa bos zona na sierto momentu, espesialmente durante oranan di mardugá i mainta. E áwaseru por ta fuerte na algun kaminda. 
Temperatura máksimo lo alkansá 33°C. i temperatura mínimo 25̊C. 

Solo ta sali 06:29 i ta baha 18:09. o.l.
Bientu: Por lo general for di un direkshon entre di ost i sùitost; moderá; forsa 3 te 4 (12 te 30 km/ora, 7 te 16 nudo). Espesialmente den áwaseru, de bes en kuando basta fuerte den ráfaga; forsa 5 (31 te 39 km/ora, 17 te 21 nudo).
Situashon general: Durante e próksimo dianan e kondishon atmosfériko den nos region ta keda favorabel pa desaroyo di nubianan signifikante ku chèns pa algun áwaseru ku por bai kompaña pa welek i bos. Esaki espesialmente durante oranan di mardugá i mainta. Algun di e yobida nan aki por ta lokalmente moderá te fuerte. Pa  e motibu aki Servisio Meteorológiko a emití un kódigo hel.
Kondishon di laman: Trankil te moderá ku altura di olanan di 0.5 te 1.5 meter (2 te 5 pia).
Sistemanan signifikante di wer tropikal: Ningun.
Fenómeno spesial: Ningun.
Perspektiva te djaluna mainta: Por lo general parsialmente nublá i lokalmente lo kai algun áwaseru.
Meteorólogo: Luciano.
E próksimo boletin di tempu lo wòrdu publiká djasabra 11:00 o.l. (15:00 UTC).

This site uses Akismet to reduce spam. Learn how your comment data is processed.

%d bloggers like this: