Pronóstiko di tempu pa Kòrsou i bisindario bálido te djamars mainta 06:00 o.l., 8 di novèmber 2016.

Pronóstiko
Pronóstiko di tempu pa Kòrsou i bisindario bálido te djamars mainta 06:00 o.l., 8 di novèmber 2016.
Kompilá: Djaluna 7 di novèmber 2016, 05:00 o.l. (09:00UTC).

KODIGO HEL: POSIBILIDAT PA MAL TEMPU
Tempu: Parsialmente nubla ku chèns pa algu di áwaseru, espesialmente durante oranan di mèrdia i trai mèrdia. Tin posibilidat pa bos zona.
Temperatura máksimo lo alkansá 34°C. i temperatura mínimo 26̊C. 
Solo ta sali 06:30 i ta baha 18:08 o.l.
Bientu: Por lo general for di un direkshon entre di ost i sùitost i suak te moderá; forsa 2 te 4 (7 te 30 km/ora, 4 te 16 nudo). 
Situashon general: Durante e próksimo 24 ora no ta antisipá muchu kambio den e kondishon di tempu aktual. Sinembargo e kondishon atmosfériko ta keda favorabel pa desaroyo di nubianan signifikante den nos área. Bientu lo ta generalmente suak durante awe djaluna i den kombinashon ku e kondishon atmosfériko, algun nubia lo por desaroyá riba sierto parti di nos isla ku chèns pa un áwaseru lokal ku por bai kompaña pa welek i bos. Debí na e posibilidat pa áwaseru modera te lokalmente fuerte ku chèns pa welek i bos, Servisio Meteorológiko ta emití un Kódigo hel.  

Kondishon di laman: Trankil te moderá ku altura di olanan di 0.5 te 1.5 meter (2 te 5 pia).

Sistemanan signifikante di wer tropikal: Ningun.

Fenómeno spesial: Ningun.

Perspektiva te djarason mainta: Por lo general parsialmente nublá.

Meteorólogo: Luciano

E próksimo boletin di tempu lo wòrdu publiká djaluna 11:00 o.l. (15:00 UTC).