Site icon KIKO TA PASANDO NOTISIA I INFORMASHON

KOMUNIKADO DI KUERPO POLISIAL KÒRSOU Tópiko: polis a konfiská un pistol den área di Sun Valley.

Advertisements

KOMUNIKADO DI KUERPO POLISIAL KÒRSOU
no.: 380 /2016
Fecha: 7 novèmber 2016
Tópiko: polis a konfiská un pistol den área di Sun Valley.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ
________________________________________

Djaluna 7 di novèmber 2016, Sentral di Polis a haña notifikashon ku habitante di un kas den área di Sun Valley a haña un pistol den su brivenbùs. Polis a bai na e adrès menshoná, en bèrdat despues di un kontrol a haña un pistol kolo pretu ku 12 bala skèrpi den un brivenbùs. Habitante di e kas a deklará na polis, na momento ku el a bai na rekohé pòst el a topa ku e pistol. Polis a konfiská e pistol i e balanan pa mas investigashon. Investigashon den e kaso ta kontinuá.

Athunto: potrèt

Exit mobile version