KOMUNIKADO DI KUERPO POLISIAL KÒRSOU Tópiko: atvertensia riba komportashon den tráfiko.
KOMUNIKADO DI KUERPO POLISIAL KÒRSOU
no.: 381 /2016
Fecha: 8 novèmber 2016
Tópiko: atvertensia riba komportashon den tráfiko.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
________________________________________
En konekshon ku e tráfiko insigur, kada bes mas peligroso i ku komportashon agresivo di outomobilista den área di e siguiente skolnan: Marnix basischool; Krijtschool; Laufferschool; St. Pauluscollege; Berg Carmel College; polis ya a kuminsá aktua dor di ta visibel i dunando atvertensia pa stòp ku e komportashonnan aki.
Entrante djamars 15 di novèmber 2016, polis ta bai kuminsá ku kontròl estrikto i dirigí riba e komportashon ariba menshoná. Pa medio di e komunikado aki polis ta supliká tur partisipante den tráfiko, pa tene kuenta ku e kontrolnan primeramente den e área menshoná, asina evitá kualkier inkumbiniensia ku esaki por trese kuné.
Un tráfiko sigur ta bon pa nos tur