KOMUNIKADO DI KUERPO POLISIAL KÒRSOU Tópiko: Aksidente di tráfiko ku herido.

komunikado-di-kuerpo-polisial-kc3b2rsou1.jpg

KOMUNIKADO DI KUERPO POLISIAL KÒRSOU
no.: 389/2016.
Fecha: 13 novèmber 2016.
Tópiko: Aksidente di tráfiko ku herido.
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

________________________________________

Djasabra 12 di novèmber 2016, alrededor di 19.35’or Sentral di Polis a dirigí un unidat polisial na Weg naar Hato na altura di un snek pa un aksidente di tráfiko kaminda e shofùr di e outo despues di a alkansá un dama a sigui kore bai. Na yegada di e patruya nan a topa ku un dama sinta kantu di kaminda ku tabata keha di hopi doló na su pia drechi. Ambulans ku a presentá na e sitio, despues di a trata e víktima na e sitio a transport’é pa SEHOS. For di un investigashon preliminar ku polis a realisá na e sitio a resultá ku víktima, a sali for di un establesimentu i na momentu ku e tabata krusa kaya e la keda alkansá pa un outo. Despues di su akto e shofùr di e outo a kore bai for di e sitio. Departamento di Tráfiko ta kontinuá ku e investigashon.

Polis ta supliká tur persona ku por tin informashon di e aksidente aki, pa pasa e informashon pa Departamento di tráfiko (VT&T) na numbernan 866-6134 / 866-6137 òf por tuma kontakto ku Sentral di Polis na e number 917 durante 24 ora òf e number anónimo 108.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: