Ministerio di Salubridat, Medio Ambiente i Naturalesa ta para ketu na… Ku bista riba Diabétis, lema di Dia Internashonal di Diabétis

Ministerio di Salubridat, Medio Ambiente i Naturalesa ta para ketu na… Ku bista riba Diabétis, lema di Dia Internashonal di Diabétis

Willemstad – Mundialmente ta para ketu awe na e malesa yamá ”Diabétis”.
Diabétis ta un malesa króniko kaminda e kurpa no por baha e suku den sanger manera debe ser. Tin diferente tipo di Diabétis; Tipo I, Tipo II I di Diabétis di embaraso.
Na Kòrsou i na mundu e Diabétis Tipo II ta esun ku mas tantu hende ta sufrí di dje.
Segun Federashon Internashonal di Diabétis (IDF) na 2015 tabata tin 415 mion persona ku e malesa di suku. Ta pronostiká ku pa 2040 esaki ta alrededor di 640 mion. Na Kòrsou a keda konstatá fo’i 1993- 1994 ku personanan ku Diabétis a surpasá 10% di nos poblashon.
P’esei tur aña di nobo IDF i tur e paisnan miembro ta pone hopi énfasis riba luna di novèmber komo luna di akshon pa ku e malesa Diabétis. E aña aki e lema ta ‘EYES ON DIABETES’; ku bista riba Diabétis. E lema aki tin dos meta:
• Primeramente promové “chèk di suku” serka tur persona durante hinter e luna di novèmber aki, pa asina detektá e malesa na tempu. IDF ta indiká ku personanan ku tin Tipo II alrededor mitar di kantidat ta kana rònt ku e malesa sin sa. IDF ta purba huntu ku tur su partner nan pa alkansá 1 mion chèk den e luna di novèmber aki.
• E di dos meta ta hasi pueblo konsiente di e gravedat di e komplikashonnan ku e malesa por trese. Spesial e esun di wowo, ku por kondusí nan siegedat. Segun IDF 93 mion hende ta sufrí kaba di komplikashon di wowo.
Tur persona ku e malesa di suku aki tin chèns pa komplikashon. Pero dor ku hopi hende ku tin e malesa di suku Tipo II no sa ku nan tin esaki diabétis esaki por afektá nan órganonan, ader i nervio asina te ku nan ta haña komplikashon. E komplikashon ku mas bo ta topa aki nan Kòrsou ta di nir, ader i di kurason, pia i wowo. Pero tin hopi mas komplikashon.
Ministerio di Salubridat, Medio Ambiente i Naturalesa en koperashon ku Sokudi (ku ta e asosiashon di personanan ku malesa di suku) ta trata durante e luna aki pa tèst mas tantu hende posibel pa yuda detektá e malesa na tempu. Tambe ta keda konsientisá pueblo di e importansha di prevenshon di e malesa aki dor di keda kontrolá dado kaso bo ta un persona ku hopi chèns pa haña e malesa. Mester hasi ehersisio i moveshon regular i adoptá un sistema di komé mas saludabel, tur esakinan ta yuda pa prevení ku bo tambe ta haña Diabétis.
gobiernu-di-korsou-logo-big.jpg

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: