​AMAK KU ENTREGA DI PREMIO EDGAR SUPRIANO, PEN DI MERITO I PREMIO ESTIMULO RIBA DIA DI MUSIKO 2016

​AMAK KU ENTREGA DI PREMIO EDGAR SUPRIANO, PEN DI MERITO I PREMIO ESTIMULO RIBA DIA DI MUSIKO 2016
WILLEMSTAD – Djamars awor dia 22 di novèmber, AMAK lo selebrá otro Dia di Músiko. Na e okashon aki nos lo para ketu na esnan mas destaká den e aña ku a pasa ku lo risibí Premio Edgar Supriano. Tambe nos lo tin entrega di pen di mérito i e biaha aki tambe premio estímulo na  esnan ku meresé esaki.
E aña aki, direktiva di AMAK a bai na premia esnan mas destaká den nan género di músika, tantu individual komo gruponan musikal. Ta p’esei e aña aki nos lo duna premio Edgar Supriano na p.e. Kompositor di aña, Piesa di come-back di aña, Banda di aña, Kantante di aña di tantu género di come-back komo general, e kansion o kansionnan di aña, Típiko di aña, grupo di Tambú di aña i por último e Tambú di aña.
Di e forma aki, direktiva di AMAK ta duna rekonosementu direkto na esnan ku mas a destaká e aña aki  den farándula di Kòrsou.  Esei por nifiká tambe ku un artista músiko por gana e premio aki mas aña siguí.
Nominadonan pa Dia di Músiko 2016 ganadornan di Premio Edgar Supriano 2016 ta

 

Kantante di aña maskulino Boy Thode pa `E Sekreto`

Kantante Come back Kenneth Hooi

Banda di aña ERA

Banda di Comeback S.O.

Entertainment Band Dolce Band

Grupo Tambú di aña: Grupo Ruta

Grupo Rítmiko di aña: Kompèr

Piesa di aña Come Back: Bula fo yama ayó Winnie Poulo

Banda di Reflection: B Conection 

Tambe lo tin entrega di  Pen di Mérito na  Marcel El trankilo pa su 50 aña  den farándula di Kòrsou.
AMAK lo hasi tambe entrega di Plaka di estímulo na kor : Fabihun
E aktividat di  selebrashon di dia di Músiko 2016 lo tuma lugá den Bananas djamars awor dia 22 di novèmber di 7 or di anochi pa 9.30 pm.
Na e okashon aki  banda di entrega di premio na esnan mas destaká,  Presidente di AMAK, Sr. Manfred `Feko` Gomes lo tin un diskurso di órden.
Músikonan i miembronan di AMAK ta keda invitá pa bin selebrá Dia di Músiko 2016
Atentamente

Manfred Gomes Giovanni Atalita

Presidente Sekretario

This site uses Akismet to reduce spam. Learn how your comment data is processed.

error: Content is protected !!
%d bloggers like this: