Fundashon Negoshi Pikiña i Dutch Caribbean Economist Club Mini Empresa CLAPP di UoC ganadó di Pitch Competition pa studiantenan di skolnan sekundario i avansá

Fundashon Negoshi Pikiña i Dutch Caribbean Economist Club Mini Empresa CLAPP di UoC ganadó di Pitch Competition pa studiantenan di skolnan sekundario i avansá

WILLEMSTAD – Un di e aktividatnan hopi interesante ku a tuma lugá durante di e siman di Global Entrepreneurship Week 2016 tabata un Pitch Competetion di ‘mini-empresanan’ ku a tuma lugá na Skarlo Abou entre dies grupo di studiante komo parti práktiko di e preparashon pa empresario ku Fundashon Negoshi Pikiña ta realisá den estrecho koperashon ku algun skol sekundario i skol avansá. E evento a tuma lugá na Bitterstraat, Skarlo Abou, ku ta un área konosí pa e hecho ku hopi empresa chikí a uní huntu den e edifisionan historikonan eibanda. E kompetensia tabata parti di e diferente aktividatnan ku a tuma lugá den e siman di Global Entrepreneurship Week 2016.

Pa introdusí nan negoshi i produkto i konvensé e hurado di e kalidat di nan mini-empresa, kada presentadó a haña eksáktamente 90 sekònde pa hasi esaki. E tim di ‘young professionals’ di Dutch Caribbean Economist Club a dediká nan aktividat mensual ‘Plenchi Skalo Abou’, ku e aktividat aki a enkurashá studiantenan lokal ya for di edat hóben pa ta kreativo ku lanta un emoresa i asina eksperensiá e mundu di negoshi.

E públiko presente a gosa di e dies presentashon impreshonante di e timnan di hóbenan. E tres mini-empresanan ku a representá Universidat di Kòrsou (UoC) tabata ‘Bartender on Wheels ‘, ‘Lionfish Delights’ i ‘ CLAPP’ . E shete mini-empresanan ku a representá Nilda Pinto SBO tabata ‘World of Facility’, ‘Nature Love Curaçao’, ‘Fabulous Gift Shop’, ‘Ice Cakes Curaçao’, ‘Vigor’, ‘Go Go Gadgets’ i ‘Islands League Insurance’.

E pitch ganadó tabata CLAPP! di e mini-empresarionan Xander Krolis, Romario Rofina, Anna Arjun i Somesh Nagdev, studiantenan di University of Curaçao. Na di dos lugá a sali e proyekto di mini-empresa ‘ Lionfish Delights’ di Nilda Pinto SBO.

E organisadónan ta felisitá e hóbennan pa nan dedikashon i pashon na nan mini-empresa. Fundashon Negoshi Pikiña, Dutch Caribbean Economists i e tim di Global Entrepreneurship Week alabes ta gradisí tur dosente, coach i mayor pa por a realisá un proyekto hopi eksitoso.

Djasabra atardi 19 di Novèmber tin otro proyekto interesante den kuadro di Global Entrepreneurship Week 2016. Ta trata di un eksposishon di produkshon lokal ku lo tuma lugá di 4 or pa 7 or na Marshe den Punda. E proyekto aki ta na enkargo di e organisashon I Am Made In Curaçao ku ta un di e partnernan di di Fundashon Negoshi Pikiña den Global Entrepreneurship Week. Entrada ta grátis i asistiendo nos ta apoyá empresarionan lokal chikí ku nan servisio i produktonan inovatio i kreativo.

3-10-dd

3-10-dd_5

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: