​Sr. Remko Bicentini a firma kontrakt ku FFK komo ‘Head Coach’ di nos selekshon nashonal

​Sr. Remko Bicentini a firma kontrakt ku FFK komo ‘Head Coach’ di nos selekshon nashonal!
Djadumingu, 20 di novèmber 2016, Sr. Remko Bicentini a firma un kontrakt válido pa 3 aña komo ‘Head Coach’ di nos selekshon nashonal. E akuerdo aki lo ser evaluá kada aña pa e partidonan envolví. E promé evaluashon lo tuma lugá despues di e magno evento di ‘Gold Cup’ ku lo tuma lugá na Merka otro aña den luna di yüli.  
E ‘Head Coach’ di nos selekshon lo ta esun responsabel pa e bon prestashon di nos selekshon nashonal. Tareanan di Sr. Remko Bicentini ta lo siguiente; e lo selektá e hungadónan di nos selekshon, tambe e lo mester sigui e hungadó di aserka pa wak kon nan prestando den e respektivo ekiponan ku nan ta militá aden. E tin ku yuda organisá weganan di fogeo na Kòrsou i tambe na Europa komo parti di preparashon pa nos partidonan ofisial. 
Esaki nan lo ta e partinan esensial di e tareanan di nos ‘Head Coach’, Sr. Remko Bicentini.
Sr. Bicentini lo ehersé mayoria di su trabounan for di Hulanda mirando ku mayoria di nos hungadónan ta laborá na Europa. 

Tur otro aktividat ku nos ‘Head Coach’ lo bai ta envolví kune mester tin outorisashon di antemano di FFK, ora ku esaki lo por tin konsekuensia pa e trabounan ku nos selekshon.
Nos ta desea Sr. Remko Bicentini, nos ‘Head Coach’ tur klase di éksito den su funshon nobo!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: