Karta Habri na nos 21 Parlamentarionan, Aktua promé ku ta laat. Manda Whiteman KAS

KARTA HABRI NA E 21 UN PARLAMENTARIONAN DI KORSOU.
KU A AKTO BOCHORNOSO DI DEN WEEKEND, BEN WHITEMAN MESTER BAI KAS.
Ku asombro mi ta tuma nota di firmamentu di un akuerdo yamá Heads Of Agreement ku un kompania Chines den fin di siman ku a pasa.
Na promé lugá mi ke ta bon kla ku mi no ta kontra di imbershonista ku kier bin inbertí su sèn di forma legal na Kòrsou. Pero den mesun rosea mi ta para riba ku e kosnan tin ku bai korekto konforme leinan di Bon Gobernashon I segun Good Corporate Governance pa loke ta trata e NV nan di Gobièrnu.
Anto den e kaso aki sigur por mira klaramente ku Ben Whiteman a violá tur dos di e lei nan i proseduranan aki.
Ta asina ku un gobiernu Demishonario no por tuma desishonnan ku ta mara e pueblo aki I /o su entidatnan pa 40 aña, sin bai Parlamento. No por ta asina ku Ben Whiteman ta skonde kos pa pueblo di Kòrsou dor di firma un dokumento ku tin STRITCLY CONFIDENTIAL riba tur su páginanan. Sigur ora den e akuerdo tin pará kosnan ku tin ku eksonerá belasting nan I otro asuntunan di karakter públiko. Esaki MESTER di un aprobashon di Parlamento di Kòrsou.
Sigur ta kompletamente for di lugá ku sr. Ben Whiteman no ta dunando e transparensia ku ta rekerí ora bo ta komprometé asuntunan públiko. Esaki ta promé violashon di nos leinan.
Sr. Ben Whiteman ta kore kuchi kuchi manera ladron di djasabra anochi pa firma pa mara Kòrsou i otro entidat di gobiernu pa 40 aña, sin tin un konseho Hurídiko di departamentu Hurídiko I TAMBE Konseho Finansiero di Departamentu su Finansa di Gobièrnu di Kòrsou. Esaki ta e di dos violashon.
Ora ku ta trata hinka pueblo di Kòrsou den tipo di Aventura nan aki e promé kos ku mester sosodé ta ku mester laga un entidat respetá hasi un Due Delligence di e proyekto aki promé ku firma kualkier dokumentu. Nos tin entendé ku Ben Whiteman no a laga hasi un Due Delligence riba e aventura aki. Esaki ta violashon number tres.
Si sr. Ben Whiteman hasié komo gobiernu ku ta doño di e NV nan aki tambe e ta trapa leinan di GOOD CORPORATE GOVERNANCE. Pasobra promé ku bo por mara un NV di Gobiernu, bo mester di desishon nan di tantu RvC di kada un di e entidatnan aki ku bo kier mara I tambe di AVA (Akshonista). Anto Ben Whiteman no tin e outorisashon aki di AVA. Pasobra promé ku e por aktua komo AVA dip or ehèmpel Refineria di Kòrsou NV, e mester tin un desishon di Konseho di Minister ku ta duna presis e kuadro ku e por ehersé komo Akshonista na number di Gobièrnu di Kòrsou. I mi tin sigur ku Ben Whiteman no por produsí e dokumentu aki di desishon di Raad van minister pa e por Aktua komo AVA. Sigur no pa entidatnan ku no ta kai bou di dje manera Selikor i Curoil. Pues otro violashon fragante di nos lei nan.

Tambe Sr. Ben Whiteman no a duna partisipashon na Partnernan Sosial den nos komunidat I tambe esunnan den e diferente NV nan aki di gobiernu pa nan por duna nan opinion riba algu ku lo toka nan òf esunnan ku nan ta representá.
I no papia mes di e relashon di hopi Siglo ku Kòrsou tin ku Venezuela i awor pa polítika barata òf pa saka probecho personal Ben Whiteman ta trata di daña e relashon aki ku nos pueblo bisiña. PDVSA tin kontrato te aki 3 aña. Ki purá Ben Whiteman tin, ta e ku Kristu so lo sa. Pero e kos aki no ta hole nada bon.
Konkluyendo mi ta kere ku Parlamentu mester reuní ku URGENSIA riba e tema aki i manda Ben Whiteman KAS di inmediato. Disolvé MDPT team i atendé na serio ku Gerensia di Refineria di Kòrsou. Ta asina o nos por salba di posibel Claim ku ta kologá riba nos kabes si nos ke Sali for di e debakel ku Ben Whiteman a hinka Kòrsou aden.
PALABRA TA NA E 21 REPRESENTANTENAN DI NOS PUEBLO.

5964250037_f6b6e0920e-300x257

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: