​“MÚSIKA DI FIN DI AÑA EN PARTIKULAR AGUINALDO I GAITA” SELEBRASHON DIA DI MÚSIKO I ARTISTA TA KONTINUÁ DJAWEPS AWOR NA SKAL

​“MÚSIKA DI FIN DI AÑA EN PARTIKULAR AGUINALDO I GAITA” SELEBRASHON DIA DI MÚSIKO I ARTISTA TA KONTINUÁ DJAWEPS AWOR NA SKAL

Kralendijk – Djaweps 24 di novèmber Skal ta selebrá dia di músiko i artista. E selebrashon ta kuminsá for di 6’or di atardi pa 10’or anochi riba plenchi di SKAL na Playa Pabou. E aña aki e selebrashon tin komo tema sentral músika di fin di aña en partikular Aguinaldo i Gaita. E programa ta konsistí di diskurso, informashon tokante historia di aguinaldo i gaita na Boneiru, animashon musikal di Jom Gaiteros i Krioyo Kids, tur esakinan kombiná ku un bríndis pa tur presente
E fecha ofisial di fiesta di Santa Cecilia patrono di músiko i artistanan ta bintidos di novèmber, pa motibunan logístiko no ta tene e selebrashon tur aña riba e fecha aki. SKAL su aktividat no ta mará solamente na é fiesta religioso komo tal, sino tambe e ta primariamente un aktividat pa duna rekonosimentu tur aña na nos músikonan i artistanan. Tambe enfoká riba sierto komponente ò género musikal artístiko den nos komunidat boneriano.             
Inisialmente a plania pa tene e aktividat dia 20 di novèmber último. Pero pa motibu di situashon di wer a kanselá esaki.  
Un i tur en partikular agrupashonnan musikal, músiko i artistanan en general ta kòrdialmente bonbiní djaweps awor 24 di novèmber di 6’or atardi pa 10’or anochi riba plenchi di SKAL na Playa Pabou, pa huntu selebrá dia di nos músiko i artistanan