​Trabao preventivo y represivo ta sigui: Flex-Team a kita cantidad di arma y droga for di caya

​Trabao preventivo y represivo ta sigui: Flex-Team a kita cantidad di arma y droga for di caya
Den e siman cu a pasa Flex-Team di Cuerpo di Polis atrobe a logra kita un cantidad grandi di arma blanco, droga y artefactonan pa uza droga for di caya. Nan a haci 157 control y a para 29 auto pa controla; esaki ta resulta den un detencion pa motibo di falta di prueba di estadia legal nan Aruba.
Den e periodo di 14 di november te cu dia 20 di november, Flex-Team tabata hopi activo, haciendo controlnan preventivo pa medio di patruya, atende negoshinan pa cu nan orario, y haciendo controlnan di auto rond Aruba.
A haci controlnan na e luganan cu potencial pa retonan pa via di  aglomeracion manera Manuelito’s, Circle-K, Hotel Bacarat, y e casnan di pueblo na Noord, Madiki y Sero Patrishi. Tambe a pasa controla diferente negoshi di Horeca relaciona cu nan orario pa cera, incluyendo Lekker, De Olde Molen y Cas Casuela.

Tanto Canoastraat, y Korvetstraat ta keda riba e ruta di patruya relaciona na casonan di tiramento y menasa cu a tuma luga algun tempo pasa.
Flex-Team keto bay tambe ta inclui controlnan den e vicindario di Budweiserbar relaciona na actividadnan di bendemento di droga den e area.
Diferente problema cu tiramento y menasa den e barionan di cas di pueblo na Bushiri, Madiki Kavel, Seroe Patrishi, Sabana Basora Noord y den Duartestraat y Heidestraat tin como consecuencia cu e barionan y cayanan aki tambe ta wordo controla tur dia pa polis.
Aglomeracion na Eagle Beach tambe a wordo atendi cune durante e siman cu a pasa, y a atende cu personanan cu ta toca muziek den e area despues di 11or di anochi. Te cu 11’or muziek toca na un volumen abao ta wordo accepta. A provee extra patruya durante di e torneo internacional di beach tennis cu a atrae un publico hopi grandi. E torneo a caba riba dia 20 di november.
Un otro area unda cu continuamente Flex-Team ta patruya, ta e parkeerplaats di The Village, como cu diferente grupo di persona ta keda sinta na autonan den e parkeerplaats, bebiendo bebidanan alcoholico. Pa preveni incidentenan desagradabel polis ta pidi nan pa bay for di e area.
Tabatin solamente un detencion durante di e periodo cu a pasa, esta D.F.L-C. E detencion a tuma luga na Paradera riba dia 18 di november. Tabata pa motibo cu ora a controla a resulta cu e no tabatin prueba di estadia legal. Den e auto a haya tambe dos cuchiu y un cuchiu “Stanley”.

Flex-Team a atende tambe cu un yamada for di Costa Linda Resort, unda cu guardianan di siguridad a mira un auto cu cuater persona aden sinta pa basta rato. Tabata trata di cuater homber hoben, y ora polis a papia cu nan ta resulta cu nan a come un “space brownie” y a dicidi di para e auto un rato pa “bin bij”. Despues cu polis a papia cu nan nan a tuma caminda pa cas.
Flex-Team tambe a para controla ora cu e mira banda di Lekker Bar & Restaurant e conocir di polis “Didi” para cu un grupo di persona na un auto dilanti di My Fitness. A controla den e auto y a haya un sker. Durante di diferente “spot checks” Flex-Team a haya den 4 auto, un cantidad chikito di marihuana, algun piedra di cocaina, sker, cuchiu y artefacto pa mula marihuana. Esakinan a wordo tuma den beslag.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: