​FDDK, huntu ku Churandy Martina, Ministerio di Tráfiko, Transporte i Planifikashon Urbano i FKP ta uni forsa pa konstruí mas fasilidat deportivo pa hoben den diferente bario na Kòrsou. 

​FDDK, huntu ku Churandy Martina, Ministerio di Tráfiko, Transporte i Planifikashon Urbano i FKP ta uni forsa pa konstruí mas fasilidat deportivo pa hoben den diferente bario na Kòrsou. 

Ku Churandy Martina komo e ‘role model’, lo promové partisipashon na deporte den barionan. E intenshon ta pa krea ambiente di deporte den bario kuminsando den e bario di Kustbatterij.
Algun kompania a uni forsa pa ofresé Churandy Martina un regalo di komunidat, pa ekspresá nan gratitut pa su prestashonnan i su ehèmpel inspirativo pa nos hobennan atleta.
Djaluna 5 di desèmber FDDK, FKP i e kompanianan Building Depot, Kooyman i Betonindustrie Brievengat a bini huntu pa kompartí e momentu alegre aki ku e deportista di taya, i varios hoben atleta prometedor di FDDK. E atletanan hoben a sera konosí ku Churandy i a haña chèns di hasié pregunta i pidié pa konseho. Churandy Martina ta mashá komprometí ku desaroyo di nos talentonan lokal. Konseho di e ‘Persona mas positivo di Hulanda 2016’ i finalista olímpiko ta: “Ta importante pa realisá bo soñonan, trein duru i hasi bo bèst! Bo no tin nodi gana semper pa ta un kampeon; bo perseveransia ta e kos di mas importante pa logra bo metanan!” 
Komo muestra di apresio di nos komunidat pa esaki i pa tur su otro logronan, e kompanianan menshoná a regalá Churandy su propio kas na Kòrsou. “Nos hobennan mester hasi mas deporte i FKP ke aportá na esaki. Nos isla tin mester di mas tantu lugá posible kaminda nan por ta aktivo. Esei ta bon tantu pa salú mental, komo kondishon físiko di nos hobennan,” segun Arthur Con, direktor di FKP.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: