Aqualectra ta organisá den 2017, e torneo di Sòftbòl HOPE 

Aqualectra ta organisá den 2017, e torneo di Sòftbòl HOPE 
Pa 2017 ta Aqualectra organisá e torneo di Sòftbòl HOPE ku Stichting Belastingkantoor (SBAB)a inisiá algun ana pasá.

Banda di e otro retonan ku e kompania tin pa e aña nobo e kompania lo bai tin e reto pa organisá e torneo aki tambe Manera ta konosí HOPE ta para pa “Helping Others Persevere & Exel” i ta un torneo di Sòftbòl ku a inisiá ku e meta pa e empleado di kompanianan sera konosí mihó ku otro den un ambiente sosial. Tambe e torneo ta pa rekoudá fondo pa regalá un organisashon den nesesidat. Ademas e aktividat ta kuadra ku Aqualectra su filosofía di kompania
Ultimo añanan SOAB tabata esun ku a organisá e torneo aki i e aña aki a entregá e organisahon den man di Aqualectra después ku gerensia di Aqualectra a bai di akuerdo ku esaki.  

Aqualectra su tim di sòftbòl mes semper a partisipá na e torneo di Hope i na 2012 i 2014 a sali kampeon di e torneo

Aña pasá a partisipá komo 77 tim di diferente kompania. Ta spera ku pa otro aña lo ta mesun tantu tim òf mas ainda pa e torneo bira aun mas eksitoso . 

Pa Aqualectra ta un gran honor pa ta enkargá pa próksimo añanan ku e organisashon di e torneo di HOPE. Ya kaba a kuminsá ku algún preparashon i a forma un tim ku ta enkargá ku e diferente disiplinanan dje organisashon dje e torneo.

E fechanan ku lo organisá e torneo ta na mart 2017 pa 6 siman largu den fin di siman.

E weganan lo tuma lugá na e fèlt di SUVEK atrobe

Lo aserká e timnan personalmente asina aña habri pa kuminsá ku e trámitenan di inskripshon

Pa mas informashon por tuma kontakto ku Herbert Lucas i Sharo Bikker na tel.4625968. E mail ku lo bai uza pa e torneo ta hope2017@aqualectra.com