Site icon KIKO TA PASANDO NOTISIA I INFORMASHON

Fons Simon;”Nan ta un di e organisashonnan ehemplar”. Willemstad Warriors por sigui konta ku Banco di Caribe

Advertisements

Fons Simon;”Nan ta un di e organisashonnan ehemplar”. Willemstad Warriors por sigui konta ku Banco di Caribe

WILLEMSTAD- Desèmber- 2016: Resientemente Banco di Caribe i Willemstad Warriors a bolbe sinta na mesa. “E sosten di un partner manera Banco di Caribe ta masha importante pa nos organisashon. Anualmente nos ta logra realisá diferente aktividat riba nos kalènder, danki na e patrosinio importante aki”, esaki di akuerdo ku Sr. Gerard Charles, Presidente di BdC Willemstad Warriors. Durante di e último 9 añanan Banco di Caribe a bin ta duna su sosten na BdC Willemstad Warriors, esaki ta e di kuater bes ku ta renobá un kontrato di patrosinio.

“Loke ta hasi BdC Willemstad Warriors un organisashon ehemplar ta, no únikamente nan kompromiso ku e hóbennan di nan organisashon, pero tambe esun ku nos komo nan patrosinador. Na momento di sostené kualke organisashon finansieramente nos ta tene na kuenta e manera kon nos empresa ta wòrdu representá i Willemstad Warriors a bin ta hasi esaki ku hopi pashon i disiplina den e deporte di basketbòl”, esaki di akuerdo ku Fons Simon, CEO di Banco di Caribe.

Den transkurso di e añanan, BdC Willemstad Warriors tabata tin diferente logro, inkluyendo organisashon di nan propio torneo di basketbòl hubenil. Esaki pa 2 aña konsekutivo. Di akuerdo ku CEO i direktor di Banco di Caribe, firmamentu di e kontrato di patrosinio ku Willemstad Warriors ta muchu mas ku un sosten finansiero; e kontribushon aki ta parti di Banco di Caribe su kompromiso pa dediká atenshon spesial na desaroyo deportivo di hóbennan den nos komunidat.

Exit mobile version