​Raport Kontraloria General Kòrsou riba Enseñansa Obligatorio

​

Raport Kontraloria General Kòrsou riba Enseñansa Obligatorio.
Rapòrt resumí

E resúmen, konklushon- i rekomendashonnan ta skirbí na hulandes i papiamentu. Di e manera akí, Kontraloria ke logra pa mas tantu hende por ta na altura di e rapòrt su kontenido.

Resúmen, konklushon i rekomendashon

Kontraloria a investigá si gobièrnu ta kontrolá ku e menornan di edat ku ta kai bou di lei di enseñansa obligatorio ta inskribí na un skol, i si gobièrnu ta duna kuenta di e kontrol ei. Aki ta sigui un resúmen di e opservashon-, konklushon- i rekomendashonnan.

Resúmen

E investigashon a hiba na e siguiente konklushonnan:

1. no a informá e mayor-/kuidadónan direktamente ku si nan tin un menor di

edat ku ta kai bou di lei di enseñansa obligatorio, nan tin deber di inskribié

na un skol, ni tokante e reglanan ku tin relashoná ku esei;

2. no a informá poblashon ku nan por mèldu si nan tin motibu pa pensa ku un menor di edat ku ta kai bou di lei di enseñansa obligatorio no ta inskribí na

niun skol, i unda nan por hasi esei;

3. e reglanan tokante enseñansa obligatorio no ta sufisiente kla i/òf nan ta den

konflikto ku lei di enseñansa obligatorio di Kòrsou i/òf ta basá riba lei di

enseñansa obligatorio hulandes;

4. no a formulá meta di maneho;

5. no tin garantia ku e kontrol ta ser ehekutá (korektamente), pasobra no ta

duna direkshon na e amtenarnan di enseñansa obligatorio i e brigada di enseñansa obligatorio, no ta duna nan instrukshon tokante nan manera di

6

Deel 1. Toezicht op het ingeschreven zijn op een school, december 2016

 operá, nan no tin un repartishon di tarea formal i/òf por eskrito, i tin falta

di konosementu riba tereno di lei di enseñansa obligatorio;

6. no tin un sistema outomatisá di atministrashon di alumno;

7. no tin garantia ku e informashon nesesario pa realisá e kontrol ta konfiabel

i adekuá;

8. gobièrnu no ta kontrolá si e menornan di edat ku ta kai bou di lei di

enseñansa obligatorio i ku ta registrá na registro sivil ta inskribí na un skol, i

p’esei e no tin un bista di kuantu menor ta trata aki;

9. gobièrnu no tin informashon pa sa te kon leu e menornan ku no ta registrá

na registro sivil pero ku ta kai bou di e lei di enseñansa obligatorio i ku a yega di inskribí na un skol maske ta un biaha ta inskribí ainda na un skol, kumpliendo asina ku lei di enseñansa obligatorio riba un base kontinuo;

10. no a sòru pone e amtenarnan di enseñansa obligatorio na altura di tur infrakshon ku brigada di enseñansa obligatorio a konstatá, algu ku te ku 2015 tabata asta mas importante ya ku, te ku e aña ei, ta e amtenarnan di enseñansa obligatorio so tabatin outoridat pa traha proces verbaal;

11. e patruyahenan di kontrol ta konsentrá prinsipalmente den área di skol i no den bario, siendo ku un menor ku ta kai bou di e lei di enseñansa obligatorio i ku no ta inskribí na un skol tin mas chèns di ta den bario ku den bisindario di skol;

12. no tin palabrashon hasí entre e amtenarnan di enseñansa obligatorio i e funshonarionan di Vreemdelingendienst riba ki informashon nan mester suministrá na e amtenarnan di enseñansa obligatorio den kuadro di kontrol;

13. no ta duna kuenta enkuanto e maneho hibá;

14. gobièrnu ta hasiendo gastu den kuadro di kontrol sin ku den práktika tin un

kontrol (efektivo) tumando lugá.

Konklushon

Kontraloria ta konkluí ku pa loke ta trata kontrol efektivo pa sa si e menornan di edat ku ta kai bou di lei di enseñansa obligatorio ta inskribí na skol, aktualmente esaki ta na un nivel sumamente abou i kisas asta ta nihil, siendo ku gobièrnu ta hasiendo gastu sí den kuadro di e kontrol akí. Ademas, no ta stimulando kumplimentu ku e lei di enseñansa obligatorio di parti di e mayor- /kuidadónan. Esaki ta debí ku e reglanan sea no ta sufisiente kla òf nan ta na

7

Deel 1. Toezicht op het ingeschreven zijn op een school, december 2016

 konflikto ku e lei di enseñansa obligatorio. Tampoko no ta stimulá komunidat pa mèldu posibel kaso di infrakshon, siendo ku gobièrnu a kontratá personal spesial pa reakshoná ora komunidat mèldu esei. Mas aleu Kontraloria ta konkluí ku, debí ku no ta duna kuenta di e maneho hibá ni di e resultadonan di e maneho, minister no tin e informashon nesesario di maneho pa e por basa su maneho di enseñansa obligatorio riba dje i adaptá esaki ora ta nesesario.

Rekomendashon

Kontraloria su rekomendashon na minister di Enseñansa ta ku mester pèrkurá pa:

1. informá e mayor-/kuidadónan via medionan di komunikashon tokante enseñansa obligatorio i e sanshonnan aplikabel den kaso ku no kumpli ku esaki;

2. bini regla kla pa e mayor-/kuidadónan i e skolnan, ku no ta den konflikto ku lei di enseñansa obligatorio;

3. por bin klaridat enkuanto si e deber di mèldu ta konta pa skol privá tambe i, si esei no ta e kaso, koregí e defisiensia ei;

4. dirigí e amtenarnan i e brigada di enseñansa obligatorio i duna nan instrukshon riba kon e kontrol mester tuma lugá i kon nan mester dokumentá;

5. oumentá e amtenarnan i e brigada di enseñansa obligatorio su nivel di

konosementu riba tereno di lei di enseñansa obligatorio;

6. bini un repartishon formal di tarea entre e amtenarnan di enseñansa obligatorio i e brigada di enseñansa obligatorio, i pa regla e interkambio

di informashon entre e dos timnan akí;

7. formulashon di un maneho a base di e prinsipio SMART;

8. e maneho di enseñansa obligatorio ku e ministerio ta ehekutá no ta na

konflikto ku lei di enseñansa obligatorio di Kòrsou;

9. kombiná e dos ordenansanan nashonal di enseñansa obligatorio ku ta na

vigor aktualmente den un solo ordenansa i, te asina leu ku ta nesesario,

aktualisá lei di enseñansa obligatorio;

10. un sistema outomatisá di atministrashon di alumno bira disponibel pa usa den

kuadro di kontrol;

11. palabrashon ser hasí ku Registro Sivil i e skolnan riba entrega digital di e

informashon nesesario i pa determiná den ki formato mester entregá tal informashon;

8

Deel 1. Toezicht op het ingeschreven zijn op een school, december 2016

 12. hasi publisidat pa enseñansa obligatorio den medionan di komunikashon na diferente okashon durante aña eskolar, hasiendo konosí tambe ku por mèldu na brigada di enseñansa obligatorio ora tin sospecho ku un menor di edat ku ta kai bou di lei di enseñansa obligatorio no ta inskribí na skol.

13. stimulá pa minister di Enseñansa i minister di Hustisia yega na palabrashon tokante kon i ku ki frekuensia amtenarnan di enseñansa obligatorio i e funshonarionan di Vreemdelingendienst lo interkambiá informashon riba e aktividatnan ku ta tuma lugá den kuadro di enseñansa obligatorio, i fiha e palabrashonnan akí tambe.

Klik aki pa e full rapport: https://www.dropbox.com/s/6nl9r8thccl90bo/rapp-leerplicht_deel_1_toezicht_op_inschrijving_Staten_2016-.pdf?dl=0

Kortesia TICO VOS