​Ken por identifica e dos personanan di interes aki? Cuerpo Policial  Aruba ta pidi cooperacion di comunidad pa resolve caso di atraco

​Ken por identifica e dos personanan di interes aki?

Cuerpo Policial ta pidi cooperacion di comunidad pa resolve caso di atraco

 Recientemente, pa ta exacto dia 30 di november 2016, dos persona bisti cu helm, di cual un di nan cu arma di candela, a comete atraco riba “Gemstones International” na Brickel Bay Mall. Recherchenan di Atraco Team no a para cu e trabao y awor ta solicita ayudo di comunidad pa por caba di resolve e caso.

Actualmente tin dos persona di interes pa e team di investigacion y ta puntra comunidad si por reconoce e dos personanan riba potret. 
Otro caso cu a hala basta atencion tabata e intento di atraco riba Hulpbestuurskantoor na Santa Cruz. Den e caso aki un persona den un auto color blanco a purba comete e atraco. Awor recherchenan di Atraco Team ta pidi cualkier persona cu por a mira of cu sa di un auto marca Hyundai modelo “I-10” cu e number A-25132 poni riba dashboard cu e persona en cuestion moviendo riba caminda, pa por fabor yama Atraco Team mesora.
Si ta asina – den tur dos caso — por fabor yama e tipline di Polis na 11141 of e Teamchef di Atraco Team na e number 597-5147. Ta gradici di antemano pa e cooperacion y sosten pa soluciona dos caso di atraco.

This site uses Akismet to reduce spam. Learn how your comment data is processed.

error: Content is protected !!
%d bloggers like this: