KOMUNIKADO DI KUERPO POLISIAL KÒRSOU Título: No ta tolerá agreshon kontra personal di Imigrashon

KOMUNIKADO DI KUERPO POLISIAL KÒRSOU
438 / 2016
27 di desèmber 2016

Título: No ta tolerá agreshon kontra personal di Imigrashon
Departamentu di Komunikashon i Prevenshon Página 1

KUERPO POLISIAL KÒRSOU SIRBI I PROTEHÁ

Djadumingu den oranan di anochi, dos dama pasahero ku a kaba di yega Kòrsou a insultá i agredí un funshonario di imigrashon, debí ku un di nan no kier a yena un formulario ku ta nesesario pa por pasa Imigrashon. Tim di Maneho di Kuerpo Polisial no ta solamente lamentá pero ta sensura den su totalidat e agreshon tantu verbal komo físiko kontra di kualke miembro di su organisashon, sigur ora ku e personal aki ta kumpliendo ku su labor. E personal di Imigrashon tantu na salida komo yegada ta enkargá ku kontrol di salida i entrada di pasaheronan i ta é funshonario outorisá ku por duna instrukshon na pasaheronan relashoná ku kontrol di frontera. Bou di ningun sirkunstansia lo tolerá e tipo di aktitutnan aki i lo bai aktua severo kontra tur esnan ku no ta sigui òrdu di e personal en kestion den e terminal. No duna oido na instrukshon duna pa e personal di Imigrashon ta kastigabel pa lei i manera den e kaso spesífiko di fin di siman, e agresornan ta detené.