JCI Willemstad su Board of Directors pa aña 2017
JCI Willemstad su Board of Directors pa aña 2017
JCI Willemstad komo un organisashon lokal ku afiliashon internashonal na JCI International ta presenta su Board of Directors na komunidat di Kòrsou. Tur aña di nobo miembronan di e organisashon ta elegí esnan ku nan ke pa representá nan den e Board of Directors di e aña entrante pa guia e organisashon pa e periodo di 1 aña. E Board of Directors di JCI Willemstad pa aña 2017 ta konsistí di Presidente sra. Jeanine Mattheeuw, Vise Presidente sra. Vanessa Overman, Tesorero sra. Sheryl Renfrum, Sekretario sr. Raichel Virginie i Presidente saliente (IPP) sra. Charyllu Ignecia.
JCI Willemstad ta enfoká pa enbolbí hobennan entre 18 pa 40 aña ku ke kontribuí pa trese un kambio impaktante den nos komunidat. JCI ta sòru tambe pa krea lidernan den komunidat i ta disponé di e konosementu pa un desaroyo duradero i sostenibel, formashon, liderasgo i tambe programanan efektivo pa analisá e nesesidatnan ku ta reina den nos komunidat.
JCI Willemstad sigur pa aña 2017 lo bai duna atenshon na e balornan aki. Si bo ta interesá pa sa mas di nos bo por kontaktá nos na jciwillemstadsecretary@gmail.com i por sigui nos atraves di nos facebook page JCI Willemstad tambe.
