NOTISIA POLISIAL ARUBA

Destrukshon di Propiedat

C.P. a dirigí patruya na un hotèl, pa un kaso di destrukshon di un bentana.

Na e sitio, polisnan a bin papia ku esnan enkargá ku seguridat i e pèrsona en kuestion, kulpá di a destruí e bentana.

Ta trata aki di un wéspet di e hotèl, di nòmber. K.P.D.

El a ofresé su diskulpa varios biaha i tabata dispuesto pa kubri e gastu.

El a bisa ku ta den un mal beis, el a skòp un bòrchi di propaganda den lòbi di e hotèl, kua esaki, no intenshonalmente, a bai dal kontra un bentana di un klínika di masashi i a kibra esaki.
Durant a koperá i a ofresé e doño pa nan kòmbersá pa yega na un akuerdo kon lo e kubri e gastu.
=======================

         Shòfùr Burachi

Un shòfùr di bùs a papia ku un patruya i a deklará ku shòfùr di un Mitsubishi Galant kolor blanku tabata kore  zeila riba kaminda i kasi a dal den su bùs.

Na altura di AMC UNICON, patruya a mira un Mitsubishi Lancer blanku numerá A-67648, pará.

Den e outo tabatin un shòfùr na soño.

Polisnan a mira ku e tabata fuertemente bou di influensha.

Den e outo tabatin un bòter di whiskey bashí di e marka “old parr”, ku e shòfùr a bebe.
E motor di e outo tabata sendé.
E outo tabatin diferente daño na e parti robes.

Patruya a lanta e shòfùr.
E shòfùr no tabata komprondé polisnan.

Pa banda di 08:10, polisnan a detené e hòmber Pantoja Paz. R.A., sospechá di a violá artikulo 3:52 di  e buki di ley.

Sin mas preambuló a hiba e sospechoso warda na San Nicolaas, pa despues present’é dilanti hòf v.justitie.
=======================

            Destrukshon.

Sentrale Pòst a dirigí patruya na “Hooters South Beach”, pa un kaso di destrukshon.

Na yegada na e sitio, polisnan a bin haña un hòmber drumí na suela.

E mènedjer di e lokalidat, kuá su nòmber ta S, a deklará, ku un hòmber a aserk’é i a puntra si e por haña awa.
Schwengle a duna e hòmber awa pa bebe.

Diripiente e hómber a kuminsá bati riba e bentana di e lokalidat ariba menshoná. Despues e hòmber a bira agresivo i a kuminsa tira stul den direkshon di e bentana.
E tabata tira stul i tambe krùk di e bar riba bentana di e portir i a destruí esaki.

Na yegada di polis a ripará ku e hòmber tabatin wowonan kòrá i no por a para stabil.
E tabata bou di influensha di un òf otro substansia.

E hòmber ku a duna di konosé di ta di nòmber MORENO, a wòrdu detené pa banda di 09:45, pa burachería públiko i a wòrdu hibá na warda di polis na Shaba, pa mas investigashon.

A pone departamentu di Sentrale Pòst na altura.
=======================

Molèster di pèrsona burachi.

Bou di enkargo di chèf na warda, patruya a bai Cashero, pa un pèrsona burachi ku tabata molestiá..

Na e sitio, polis a papia ku un hòmber di nòmber P, kende a deklará, ku un hòmber i un muher a yega na e adrès Cashero den un Honda bèrdè, di kual e no por a mira e plachi di number.

Mas aleu P a deklará ku e muher a kuminsa buska problema ku un di e habitantenan di Cashero.

E hòmber di nòmber G.P.a mira ku e muher tabata proboká e homber G, pa sali pafó. I e hòmber den e outo tabatin un skrúfdrai den su man.
P, lo a bai mas serka pa mira ta kiko tabata pasando i e hòmber den e Honda bèrdè a kore bai lagando e muher atras.

Na yegada di patruya, ainda e muher tabata na e sitio.
E muher a duna di konose di ta X.R.
E habitantenan a deklará ku X.R. ta molestiá nan i ku nan no ke mir’é mas den bisendario di e bibienda.
X.R. tabata bou di influensha i a haña òrdu pa bandoná e sitio.
X.R. no a sigui e òrdu i a wòrdu detené pa banda di 08:00 pa violashon di artikulo 3:4.
El a wòrdu hiba na warda di polis D-4 , pa despues present’é dilanti hof v. justitie.
A pone C.P.na altura di e kaso.
=======================

     Pèrsona na suela.

C.P. a dirigí patruya na celsiusstraat, na altura di kas number 10, pa un hòmber ku tabata drumí riba kaminda.
Na e sitio, e hòmber (J.B.di 70 aña), a deklará ku un pèrsona deskonosí p’é, lo a dal’e patras di su kabes, ku konsekuensia ku el a kai hopi duru i a sufri un herida.
Despues di esaki a hòrta su pòtmòni.
Pèrsonal di ambulans a yega na e sitio i a disidí pa transportá e hòmber pa S.E.H., pa mas tratamentu.
A pone na konosementu di e hòmber pa den dia e bai hasi denunsia na ofisina di rechèrche.
A pone C.P. na altura di e kaso.
=======================

Aksidente ku daño di          vürwèrk.

C.P. a dirigí patruya na Savaneta 349A, pa un daño hasí na un outo Hyundai Tucson.

Na e sitio e hòmber di nòmber N.M.CODOY, a deklará ku pa banda di 21:00, el a stashoná su outo shinishi di e marka Hyundai, modèl Tucson, na e parti sur di Pos Chiquito 349A.
El a drenta kas.
Despues di algun minüt el a skucha e alarma di su outo, pero e no a bai kontrolá. 
Despues di un ratu, el a bai kohe algu den su outo. El a ripará ku e glas parti patras di su outo a haña un daño.
El a sigui deklará ku el a mira ku bisiñanan di e kas number 337B, tabata tira vürwèrk.

Patruya a papia ku e bisiña, e señora M.C.TRONCOSO.
El a deklará ku el a bai sende Thunderking i otro vürwèrknan, pero ku e no a destruí nada , pasobra e vürwèrknan no a subi den laria.

Patruya por a mira na e spórnan ku e glas a wòrdu destruí dor di vürwèrk.
A puntra TRONCOSO si e ta para responsabel pa e daño.
E no a duna kontesta i tabata papia na su telefòn selular.
Polisnan a sugeri’é pa kòmbersá i yega na un akuerdo..
A tuma deklarashon di CODOY.

Pèrsonal di T.R.S. tambe a presentá na e sitio.
=======================