​DISKURSO DI AÑA NOBO GOBERNADOR DI KÒRSOU, SEÑORA LUCILLE GEORGE-WOUT 3 DI YANÜARI 2017

​DISKURSO DI AÑA NOBO GOBERNADOR DI KÒRSOU, SEÑORA LUCILLE GEORGE-WOUT 3 DI YANÜARI 2017

WILLEMSTAD –

Bon nochi dama- i kabayeronan, 

Tur kuminsamentu ta difísil. Tal bes esaki ta konta partikularmente pa un aña nobo. Despues di tur e 

dianan di fiesta nos mester bini bei ainda pa por kuminsá funshoná atrobe. Kisas ta e kansansio debí 

na e tenshonnan pa nos a kaba e último ko’i hasinan manera mester ta. A yega e momento awor di 

karga nos bateria, pa ku energia nobo nos enfrentá den aña nobo e retonan ku ya ta wardando. 

Pa un gobièrnu nobo ta konta ku e kuminsamentu ta difikultoso. Despues di elekshon a surgi 

relashonnan nobo den Parlamento. Partidonan mester yega na kooperashon a base di un akuerdo di 

gobernashon. Pa esei mester tin konfiansa entre e miembronan i e disponibilidat pa komprendé otro 

bon. Esei ta tuma lugá ku hopi deliberashon, fulamentu di tera di e intenshon- i e deseonan bai i bini. 

I finalmente esaki ta kondusí na palabrashon kon efektivamente e manera di goberná ta bai tuma 

lugá. Pero pa nos keda den ambiente di e dianan di fiesta: ‘the proof of the pudding is in the eating’, 

esta ta ora purba e kesio ta sa kon e ta smak. Finalmente ta den práktika lo resultá si un 

kooperashon fruktífero ta posibel i si e por ta realisabel. I esei ta eksigí di tur partido enbolbí afan i 

esfuerso. I prinsipalmente hopi komunikashon. Sigur ora nos haña nos dilanti di situashonnan ku nos 

no a premirá. Tambe den tal kasonan lo mester buska solushon konhuntamente.

Importansia di traha konhuntamente den buska solushon ta reflehá den tur problema grandi di nos 

sociedat. Sea si ta trata di ekonomia i trabou, enseñansa òf kuido di salú, ta bon kla ku e 

desaroyonan riba e terenonan akí di maneho ta afektá nos tur. 

Te ainda i ku demasiado frekuensia, debí na vários motibu tin hende pará kantu di kaminda, òf tin 

hende ekskluí di sierto previshon. Hopi bia esei tin di hasi ku un preparashon no sufisientemente 

adekuá di e hendenan mes òf un posishon vulnerabel riba merkado laboral. Òf… tin faktornan sosial 

ta hunga un ròl, ku ta pone ku hende no ta partisipá tur ku tin den nos sosiedat. 

Komo Kòrsou nos lo mester krese, no solamente den sentido demográfiko òf den sentido 

ekonómiko, sino tambe den sentido sosial i edukativo. Únikamente si tur tur hende partisipá 

realmente –irespekto nan desendensia o nan background– nos por hasi di Kòrsou un éksito. Kon i 

kuantu nos ta logra den e empeño akí… ta e kalidat di nos komunidat ta determiná.

Ke men ku no ta sufisiente si nos regla kos pa nos mes debidamente. Nò, si berdaderamente nos ke 

ta un komunidat, e ora ei nos rumbo mester ta… pèrkurá pa tur hende na Kòrsou por partisipá 

denter di e komunidat akí i piki e frutanan di nos esfuersonan konhunto. 

Ta masha importante pa nos atendé ku e problemanan asosiá, pa tur hende por partisipá i haña e 

oportunidat pa un bon kuminsamentu. Pasobra manera nos tur sa, ‘un bon komienso ta nifiká ku 

mitar di e trabou ta hasí!’

Dama- i kabayeronan, 

Ta mi plaser bati glas ku boso pa yama aña nobo bon biní. Tambe na nòmber di Herman mi ta deseá 

tur hende un 2017 próspero!

Salú! Biba Kòrsou!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: